Kadrlarda kishilarning quvonchli va baxtli lahzalari aks etadi, ammo hech kim qaysidir surat u uchun oxirgi bo‘lishini bilmaydi.

Freddi Merkyuri 45 yoshida vafot etgan (1946–1991)

Freddining o‘limidan ikki yil avval Queen guruhi konsertlarini to‘xtatib turgan. Bu Merkyurining ahvoli og‘irligi va vafot etgunicha ko‘proq yangi qo‘shiqlar yozishni istashi bilan bog‘liq bo‘lgan. Guruhni so‘nggi albomining klipi Freddoning ahvolini yashirish uchun oq-qora rangda suratga olingan. Ijodkorning so‘nggi surati uning OAVga bergan ma’lumotidan ikki hafta avval olingan. U qon tahlilida OITS chiqqani va oila a’zolari hamda yaqinlarini tashvishga solmaslik uchun buni sir tutishga majbur bo‘lgani, ammo endi muxlislari va do‘stlariga hammasini aytish vaqti kelganini yozib qoldirgan. Shundan hech qancha o‘tmay Freddi OITS keltirib chiqargan pnevmoniya sabab olamdan o‘tgan.

Chester Bennington 41 yoshida vafot etgan (1976–2017)

Linkin Park guruhining 41 yashar solisti Chester Los-Anjelesdagi xonadonida o‘lik holda topilgan. Ikki marta turmush qurgan va 6 nafar farzandli bo‘lgan xonanda depressiya va narkotik moddalarga qaramlikdan qiynalgan. Oilaviy dam olish paytida olingan surat Face of Depression ijtimoiy fleshmobini boshlash uchun asos bo‘lgan.

Jon Lennon 40 yoshda vafot etgan (1940–1980)

Bu surat shunchaki buyuk musiqachining so‘ngi lahzalarini o‘zida aks ettirmagan. Yonida turgan kishi uning joniga qasd qilgan — Mark Chepmen. Dastxat berganidan keyin Lenon undan yana nima xohlashini so‘ragan. Qotil bunga javoban kulib qo‘ygan. Oradan 4 soat o‘tib esa Chepmen Jonning orqasidan otib o‘ldirgan.

Merilin Monro 36 yoshida vafot etgan (1926–1962)

Mazkur surat 1962-yilda olingan bo‘lib, unda aktrisa musiqachi Baddi Greko bilan vaqtini chog‘ o‘tkazayotganini ko‘rish mumkin. Oradan bir necha soat o‘tib, 4-avgustdan 5-avgustga o‘tar kechasi esa Los-Anjelesdagi xonadonidan Monroning o‘lik tanasi topilgan.

Stiv Jobs 56 yoshida vafot etgan (1955–2011)

Stiv Jobs 2011-yil 5-oktabrda oshqozonosti bezi saratonidan vafot etgan. Multimilliarder o‘limidan avval xat yozib qoldirgan bo‘lib, unda biznesda muvaffaqiyat cho‘qqisiga erishganiga qaramay, hayotda ishdan bo‘lak uni quvontira oladigan narsalar unchalik ko‘p bo‘lmagan haqida bitilgan.

Maykl Jekson 50 yoshida vafot etgan (1958–2009)

Surat barcha chiptalar sotilgan, ammo salomatligi sabab qoldirilgan konsertoldi repetitsiyadan olingan. Oradan ikki kun o‘tib esa Maykl hayotdan ko‘z yumgan.

Uitni Xyuston 48 yoshida vafot etgan (1963–2013)

Uitni Hollywood klubidan chiqaverishda paparatssi nishoniga uchragan. Oradan ikki kun o‘tib xonanda Beverly Hilton mehmonxonasida xushsiz holda topilgan. Ijrochining uyqu vaqti hayotdan ko‘z yumishiga bir-biriga to‘g‘ri kelmaydigan dorilarni qabul qilgani sabab bo‘lgan.

Emi Uaynxaus 27 yoshida vafot etgan (1983–2011)

Surat 2011-yil 12-iyun kuni olingan, 23-iyul kuni esa xonanda xonadonida o‘lik holda topilgan. O‘limiga spirtli ichimlikdan zaharlanish keltirib chiqargan yurak xuruji sabab bo‘lgan.

Malika Diana 36 yoshida vafot etgan (1961–1997)

Surat 1997-yili 31-avgustda olingan. Unda malikaning paparatssi davom etyaptimi yoki yo‘q, deb ortga qaraganini ko‘rish mumkin. Shundan bir necha soniya o‘tib esa Diana avtohalokatga uchragan. Haydovchisining boshqaruvni yo‘qotgani sabab mashina devorga borib urilgan. “Qalblar malikasi” shifoxonada hayotdan ko‘z yumgan.