Qizil yo‘lakda eng katta va og‘ir ziraklarda ko‘rinish bergan mashhur ayollar (foto)

Zamonaviy hamda bejirim ziraklar obrazni yanada boyitishi tabiiy. Ammo ba’zi yulduzlar e’tiborni tortishda me’yorni unutib yuboradi. Marhamat, qizil gilamchada ham eng katta, og‘ir va uzun ziraklar taqqan yulduzlar bilan tanishib chiqing.

Beyonse

Beyonse va hashamat so‘zi hamisha yonma-yon kelishiga muxlislar ham ko‘nikib qolgan. Xonandaning uslubi, albatta, kamtarona emas. U tashqi ko‘rinishini ko‘proq qimmatbaho aksessuarlar bilan bezatadi. Shuningdek, bu borada katta va og‘ir ziraklarga ham cheklov qo‘ymaydi.

Xeyli Biber

Eng katta aylana uslubidagi ziraklarni Xeyli Biberda ko‘rish mumkin. Mitti quloqlar ziraklarning og‘irligiga qanday qilib dosh berganini tasavvur qilish qiyin.

Bar Rafaeli

Model Bar Rafaeli ham atrofdagilardan ajralib turish yo‘lini topdi. U tanlagan ziraklar uzunligidan hattoki yelkasiga ham tegib turadi. Shuning uchun ham sariq sochli xonim muxlislarning e’tiboridan chetda qolmadi.

Sofiya Vergara 

Meksikalik Sofiya Vergara uzun ziraklarning haqiqiy ishqibozi. Aytgancha, u quloqlari haqida qayg‘urmasa ham bo‘ladi, sababi ular bunga allaqachon o‘rganib qolgan bo‘lishi kerak.

Sheril Koul

Sheril Koul tanlovidan keyin quloqlar aziyat chekkan bo‘lishi tayin. Oltindan yasalgan qandilni yodga soluvchi ziraklarning og‘irligini taxmin qilish mumkin. Shuningdek, bunday og‘ir yuk bilan chiroyli tabassum qilish ham qiyin bo‘lsa kerak...

Riz Uizerspun

Riz Uizerspun soch va zirak borasida biroz kamchilikka yo‘l qo‘ygan. U bu kabi hajmdor va og‘ir ziraklar uchun boshqa soch turmagini tanlashi kerak edi. Afsuski, yulduz buning aksini qilgan va sochlarni yoyib olishni afzal ko‘rgan.

Nikol Kidman

Nikol bu borada model Bar bilan raqobatlasha oldi. Uning ziraklari tom ma’noda uning yelkasi uzra tushib turgan. Eng qizig‘i, o‘sha kuni uning quloqlari qanday omon qolgan ekan?

Keyt Blanshett

Keyt ham zargarlik buyumlarining muxlisi bo‘lib, u ko‘proq hashamatga e’tibor qaratadi. Rangli toshlardan tashkil topgan zirakning og‘irligi ham ko‘rinishidan ma’lum.

Irina Sheyk

Rossiyalik model Irina Sheyk ham quloqlarini ayamaydi. Yulduz hamisha hashamdor ziraklarni taqishni yaxshi ko‘radi.

Keyt Bekinseyl

Aktrisa Keyt ham og‘ir ziraklarni taqishdan cho‘chimaydi, ayniqsa, ular juda ham chiroyli bo‘lsa.