“Barselona” hujumchisi Lionel Messi La Liga 29-turi doirasida “Valyadolid”ga qarshi o‘yin (1:0) vaqtida uchrashuv hakami Xayme Latreni tanqid ostiga oldi.
Agar argentinalik futbolchi bu o‘yinda sariq kartochka oladigan bo‘lsa “El-Klasiko”ni o‘tkazib yuborishiga to‘g‘ri kelardi. “Barselona” yarim himoyachisi Frenki de Yong bilan ham xuddi shunday holat edi. Biroq ularning ikkisi ham bahsni sariq kartochkasiz o‘tkazdi.
Ispan telekanali — Movistar Messining hakam harakatlari haqida aytgan gaplarini ilg‘ab qoldi. Leo “Barselona” vakili Karles Naval bilan bo‘lgan suhbatda quyidagi gaplarni aytgan: “U menga sariq kartochka berish uchun imkoniyat qidirmoqda. Haaaa, aqlbovar qilmaydi”.
Eslatib o‘tamiz, ushbu uchrashuvning 79-daqiqasida “Valyadolid” futbolchisiga ko‘rsatilgan qizil kartochka ko‘plab muhokamalarga sabab bo‘lmoqda.
Mazvuga doir:
- Valyadolid meri “Barselona”ga qarshi o‘yindagi qizil kartochka haqida: “Haqiqiy o‘g‘rilik, aqlga sig‘mas sharmandalik”
- “Hakam mehmonlarga nisbatan adolatsizlik qildi, bu yerda qizil kartochka yo‘q edi”. “Barselona” — “Valyadolid” o‘yinida bahsli holat kuzatildi
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)