“Liverpul” bosh murabbiyi Yurgen Klopp Chempionlar Ligasi chorak finali doirasida “Real”ga qarshi kechadigan bahs oldidan o‘z fikrlari bilan o‘rtoqlashdi.
Mendagi motivatsiya eng yuqori darajada, chunki biz keyingi bosqichga chiqishni xohlaymiz. Buning 2018-yildagi final bilan hech qanday bog‘liqligi yo‘q. O‘sha finaldan bir oy vaqt o‘tib Serxio Ramosni yubileyimga chaqirmagan bo‘lardim, ammo hozir... Bunga ancha bo‘ldi.Biz bu yerga qasos uchun kelmadik. Biroq keyingi bosqichga chiqa olsak, zo‘r ish bo‘lardi. Biz o‘zimizni yaxshi formada his qilyapmiz va o‘sishni saqlab qolishga harakat qilamiz.
Tashqarida eshitdim, barcha “Real” favorit ekanini aytmoqda. Juda soz! Biz da’vogar (sovringa) rolini o‘ynashdan qo‘rqmaymiz.
Biz butun dunyoga, barcha muxlislarimizga hali ham kurashayotganimizni ko‘rsatishni istaymiz. Chempionatda bizdan yuqoridagilarni ta’qib qilishimiz, “Real” bilan kurashishimiz kerak. Bunga qo‘ldan kelgancha urinamiz.
Yurgen Klopp, “Liverpul” bosh murabbiyi
Mazvuga doir: Zinedin Zidan “Liverpul”ga qarshi o‘yin haqida: “Real”ga yetarlicha baho berishmayapti
“Real” — “Liverpul” uchrashuvi Toshkent vaqti bilan 6-apreldan 7-aprelga o‘tar kechasi 00:00 da boshlanadi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)