Futbol bo‘yicha Ispaniya La Ligasining 29-turida “Barselona” 5-aprel, dushanba o‘z maydonida “Valyadolid”ni qabul qildi.
Uchrashuv taqdirini hal qilib bergan yagona gol uchrashuvning so‘nggi daqiqasida Usmon Dembele tomonidan kiritildi. Shu tariqa “Barselona” o‘z maydonida qiyin g‘alabaga erishgan holda peshqadam “Atletiko” bilan oradagi farqni bir ochkoga qisqartirdi.
Mazkur g‘alabadan keyin “Barselona”ning ochkolari 65 taga yetdi. Jamoa musobaqa jadvalida “Atletiko”dan keyin ikkinchi o‘rinda. Uchinchi o‘rindagi “Real”ning hisobida 63 ochko bor. “Valyadolid” esa (27) 16-pog‘onani band etgan.
La Liga
29-tur bahsi
5-aprel, dushanba
“Barselona” — “Valyadolid” 1:0
Gol: 1:0 – 90 Dembele.“Barselona”: ter Stegen, Dest (Puch, 87), Mingesa (Arauxo, 63), Langle, Alba, Buskets (Breytueyt, 64), de Yong, Pedri (Moriba, 77), Dembele, Grizmann (Trinkau, 63), Messi.
“Valyadolid”: Masip, Nacho Martines, Bruno Gonsales, Olasa, Yanko (Ervias, 65), Mesa, Alkaras, Plano, Sanches, Gvardiola (Markos Andre, 77), Kodro (Valdo Rubio, 85).
Ogohlantirishlar: Grizmann (28), Bruno Gonsales (40), Mingesa (43), Gvardiola (73), Masip (80), Breytueyt (84).
Chetlatish: Plano (79).
Izoh (0)