Turk aktrisasi Berguzar Korel uchinchi marta homilador. Bu haqda aktrisa Instagram sahifasida ma’lum qilgan, deb yozadi Rus.Turkey.com.
Qayd qilinishicha, uchinchi marta farzand kutayotgani haqida rasman e’lon qilgan Berguzar shartnomani buzgani uchun hamkasblaridan uzr so‘ragan. U Exxe raqamli platformasi uchun suratga olinadigan “Qonli nashr” serialida ishtirok etishga shartnoma imzolagan edi. Korel homiladorligi syurpriz bo‘lgani, ammo bundan bag‘oyat xursandligini qo‘shimcha qilgan.
Eslatib o‘tamiz, aktrisa “Muhtasham yuz yil” serialidagi sulton Sulaymon roli bilan mashhur bo‘lgan Halit Ergench bilan turmush qurgan. Juftlikning ikki nafar o‘g‘il farzandi bor. U “Ming bir kecha” va “Muhtasham yuz yil” seriallarida turmush o‘rtog‘i bilan birga suratga tushgan.
Izoh (0)