Ma’lumki, davlat rahbarlarining turmush o‘rtoqlari hamisha diqqat markazida. Shuning uchun ham ular tashqi ko‘rinish hamda qomatni chiroyli saqlash uchun harakat qilishiga to‘g‘ri keladi.
Karla Bruni
Nikola Sarkozi 2007–2012-yillarda Fransiya prezidenti bo‘lgan. Uning rafiqasi Karla Bruni turmush o‘rtog‘iga rasmiy tadbirlarda hamrohlik qilgan va qiyin vaziyatlarda qo‘llab-quvvatlagan. Karla qomatini xuddi yoshlikdagidek saqlab qolgan.
Bunda unga qattiq parhez yordam beradi. Karla har tongda tana va yuz terisini yaxshilash maqsadida maydanoz (petrushka) suvidan ichadi. Nonushta uchun donli non va sariyog‘dan sendvich tayyorlaydi. Uning ratsioni tuxum, yong‘oq, qisqichbaqa, baliq va rezavor mevalardan iborat. Parhez borasida ayrim kunlari umuman ovqat iste’mol qilmaydi. Faqatgina olma va ko‘k choy bilan kifoyalanadi. Uning jadvalida hamisha sport bilan shug‘ullanish uchun vaqt bor.
Melaniya Tramp
Melaniya — 2017–2021-yillarda AQSh prezidenti bo‘lgan Donald Trampning rafiqasi. O‘tgan vaqt davomida jamoatchilik siyosatchining rafiqasini diqqat bilan kuzatib bordi. Melaniya modellik biznesi bo‘yicha yaxshi tajribaga ega. Asli sloveniyalik birinchi xonim Berron ismli o‘g‘ilni tarbiyalamoqda.
Bo‘yi 186 santimetrni tashkil etgan Melaniyaning vazni 56 kilogramm. U iste’mol qilayotgan har bir mahsulotga e’tibor qaratadi. Nonushta uchun jo‘xori uni bilan smuzi, so‘ngra kamida 7 ta meva yoki sabzavot tanovul qiladi. Shuningdek, birinchi xonim juda ko‘p miqdorda suv ham ichadi. Shakar va fast-fud taomlardan voz kechgan.
Raniya al-Abdalla
Abdalla ibn Huseyn 1999-yilda taxtga o‘tirgan. Uning rafiqasi Raniya falastinlik bo‘lib, ular oila qurganiga 6 yil bo‘lgan. Ularning yoshi orasidagi farq 8 yilni tashkil etadi. Malika to‘rtta merosxo‘rni dunyoga keltirdi: Huseyn va Hoshim, Imon va Salma. Shu bilan birga, Raniya ijtimoiy tadbirlarda faol ishtirok etadi va ayollar huquqini himoya qiladi.
Raniya tongni yoga bilan boshlaydi. U ko‘proq yong‘oq mahsulotlarini yaxshi ko‘radi. Uning ratsionida bug‘da pishirilgan taomlar, pishloq, yashil sabzavotlar mavjud.
Qirolicha Letitsiya
Filipp VI 1977-yilda Ispaniya qiroliga aylandi. 2003-yilda esa uning jurnalist Letitsiya Ortis Roksolano bilan munosabatlari e’lon qilingan. Qirolicha sport bilan shug‘ullanadi, shuning uchun ham qomatiga havas qilsa arziydi. Ovqatlanishda esa muvozanatni saqlashga harakat qiladi. U qizil baliq, yangi uzilgan mevalar, qo‘ziqorin va sabzavotlarni afzal ko‘radi. U ratsionni tuzishda qarish jarayonini tezlashtiradigan zararli moddalarga boy mahsulotlarni chiqarishga harakat qiladi.
Malika Sharlen
Sobiq suzuvchi va o‘qituvchi Sharlen Uittstok Monako qiroli Alber II ning rafiqasidir. Ularning Jak Onore Renye va Gabriella Tereza Mariya ismli egizak farzandlari bor. Sharlenning eng sevimli taomi − limon sharbati va Afrika ziravorlari bilan qovurilgan tovuq go‘shti. Malika doimiy ravishda sport bilan shug‘ullanadi. Shuningdek, u o‘z go‘zalligini kosmetologlarga ishonib topshiradi.
Izoh (0)