Bugun,

  • USD 11095.31
  • RUB 173.84
  • EUR 10772.44

Turk kinosanoatida o‘z o‘rniga ega bo‘lgan aktyor va aktrisalar qaysi serial va filmlarda ishtirok etayotgani haqida ma’lumot berib o‘tamiz.

Berguzar Korel

Foto: “Yandeks Dzen”

Foto: “Yandeks Dzen”

“Vatanim sensan”, “Ming bir kecha” singari seriallar yulduzi bo‘lgan aktrisa ikki yillik tanaffusdan keyin ekranga qaytmoqda. Oxirgi marta “Bir sevgi va ikki hayot” serialida Engin Akyurek bilan birga rol ijro qilgan Berguzar “EXXEN” platformasi uchun suratga olinayotgan “Qonli efir” serialida ishtirok etadi. Davomiyligi 10 qismni tashkil qiladigan serialda voqealar Leyla ismli o‘quvchi qizning o‘limi bilan boshlanadi.

Kadir Dog‘ulu

Foto: “Yandeks Dzen”

Foto: “Yandeks Dzen”

“Ishq sohillari” serialida suratga tushgan va Neslihan Atagulning turmush o‘rtog‘i ekani bilan mashhur bo‘lgan Kadir “Maktabga ketyapman” nomli turk va qozoq kinoijodkorlari hamkorligi asosida suratga olinayotgan filmda suratga tushadi. Film syujetini Alaniyadagi sayohat vaqtida sumkasini yo‘qotib qo‘ygan qozoq millatiga mansub qahramonlarning boshdan kechirgan sarguzashtlari tashkil qiladi.

Burju Birijik

Foto: “Yandeks Dzen”

Foto: “Yandeks Dzen”

Muxlislar Burju ijrosidagi “Fotima” serialini kutayotgan bir vaqtda aktrisa “Qizil xona” serialining yangi mavsumida suratga tushish va yangi loyihaga tayyorgarlik ko‘rishga ulgurdi. Burju “Oynadagi qiz” serialida bosh qahramon roliga tasdiqlandi. Kanal D’da efirga uzatiladigan mazkur loyihada aktrisa Nalan ismli qahramonni gavdalantiradi. Bundan tashqari, 2021-yilning aprelida efirga uzatilishi kutilayotgan ushbu serialdagi asosiy erkak qahramon rolini “Elchining qizi” serialidagi ishtiroki bilan yaxshi tanish bo‘lgan Uraz Kaygilarog‘lu ijro qiladi.

Izoh
Asosiy yangiliklar
Sport
Iskandarov — eng yaxshi futbolchi, Kapadze — eng yaxshi murabbiy. O‘zbek futbolida 2022-yilning eng yaxshilari aniqlangan marosimdan fotoreportaj
Madaniyat
Farzandidan ayrilgan, 3 soat uxlagan, hojatxonada farroshlik qilgan: muvaffaqiyatga erishish yo‘lida turli qiyinchiliklardan o‘tgan yulduzlar (foto)
Mahalliy
“Sirdaryoda bir so‘m ham o‘g‘irlanmaydigan, korrupsiyasiz tizim yaratilishi kerak” — Sardor Umurzoqov