O‘zbekistonda 2021-yilning mart inflyatsiya darajasi 0,8 foizni tashkil etdi. Bu haqda Davlat statistika qo‘mitasi tomonidan e’lon qilingan ma’lumotlarda so‘z boradi.
O‘tgan bir oy ichida iste’mol tovarlari 1,2 foizga, nooziq-ovqat mahsulotlari 0,6 foizga, xizmatlar — 0,4 foizga qimmatlashgan. Bundan oldingi ikki yilning mart oylarida ushbu raqamlar yuqori edi.
2017-yildan buyon birinchi bor, statistika ishonchli bo‘lganidan beri ketma-ket uch oy davomida inflyatsiya 1 foizdan oshmadi. Eslatib o‘tamiz, Prezident Shavkat Mirziyoyev 29-dekabr kuni Oliy Majlisga yo‘llagan Murojaatnomasida 2021-yilda narx-navo o‘sishini 10 foizdan oshirmaslik Markaziy bank va hukumatning asosiy vazifasi bo‘lishini aytgandi. Yanvar oyida mamlakatda inflyatsiya darajasi 1 foizni, fevralda — 0,6 foiz tashkil etgan. Hozircha ushbu prognozlar o‘zini oqlamoqda — yil boshidan buyon narxlar 2,5 foizga oshgan.
10 foiz — 2017-yildan buyon qayd etilgan eng past ko‘rsatkich. 2019-yil yakunlari bo‘yicha inflyatsiya 15,2 foizni, 2018-yilda 14,3 foizni, 2017-yilda 14,4 foizni tashkil etgan.
Spot’ning yozishicha, o‘nlab yillar davomida O‘zbekistonda inflyatsiya darajasi 3—5 foizni tashkil etgan, biroq ushbu raqamli shubhali.
Izoh (0)