Farg‘ona xalqaro aeroportidan Turkiyaning Istanbul shahriga ilk parvoz 2021-yilning 31-mart kuni amalga oshirildi, deya xabar berdi “Daryo” muxbiri Azizjon Ermatov.
Ma’lum qilinishicha, ilk parvoz “O‘zbekiston havo yo‘llari” (Uzbekistan Airways) aviakompaniyasi tomonidan Airbus A320 Neo’da amalga oshirilgan.
Qayd etilishicha, shu kuni soat 08:50 da 132 nafar yo‘lovchi Istanbulga yo‘l olgan. 5 soat 40 daqiqa davom etgan parvoz yakunida samolyot Istanbul xalqaro aeroportiga muvaffaqiyatli qo‘ngan.
Ushbu parvozni amalga oshirgan samolyot 31-mart kuni Turkiya vaqti bilan 14:00 da Istanbuldan Farg‘onaga HY278 raqamli reys bilan qaytgan va soat 20:50 da Farg‘ona xalqaro aeroportiga qaytib kelgan.
Farg‘ona—Istanbul—Farg‘ona yo‘nalishidagi qatnovlar 2021-yilning 3-aprel kunidan haftasiga ikki marotaba, chorshanba va shanba kunlari quyidagi tartibda amalga oshiriladi:
- Farg‘ona–Istanbul uchish vaqti 08:50, qo‘nish – 12:30;
- Istanbul–Farg‘ona uchish vaqti 14:00, qo‘nish – 20:50.
Izoh (0)