Ukrainalik blogerlar Opel Manta’ning dvigateliga motor moyi o‘rniga oddiy kola quyilsa nima sodir bo‘lishini tekshirib ko‘rishga qaror qildi. Oradan deyarli olti daqiqa o‘tgach, motor “o‘tirib qolgan”, deb yozadi Motor.
Tajribani o‘tkazish uchun blogerlar do‘kondan besh litrli gazlangan ichimlikni xarid qilgan. Avtoservisga yo‘l olgan blogerlar mashinadan motor moyini to‘kib, unga to‘rt litr kolani quygan. Motorni o‘t oldirgan blogerlar avtoservis yaqinidagi maydonchaga chiqib, mashinani hayday boshlagan.
Oradan to‘rt daqiqa o‘tgach, Opel Manta o‘chib qolgan. Blogerlar motorni qayta ishga tushirishga muvaffaq bo‘lgan. Biroq agregat uzoq ishlamagan. Tajribaning oltinchi daqiqasida Opel’ning kapoti ostidan tutun chiqa boshlagan. Agregatga sezilarli darajada shikast yetganini tushungan rolik mualliflari avtoservisga qaytib kirib, motor bilan nima sodir bo‘lganini ko‘zdan kechirgan.
Opel Manta’dan motorni yechib olgan blogerlar agregatning ko‘plab qismlari yonib ketgani, yoriqlar, teshiklar paydo bo‘lgani va ayrim elementlar esa umuman ajralib tushganini ko‘rgan. Video mualliflari avtomobil dvigateli gaz ichimligida ham harakatlana oladi, biroq uzoq vaqt emas degan xulosaga kelgan.
Avvalroq novosibirsklik blogerlar “VAZ-2110” dvigateliga motor moyi o‘rniga kislota quysa, nima sodir bo‘lishini tekshirib ko‘rgan edi.
Izoh (0)