Украиналик блогерлар Opel Manta’нинг двигателига мотор мойи ўрнига оддий кола қуйилса нима содир бўлишини текшириб кўришга қарор қилди. Орадан деярли олти дақиқа ўтгач, мотор «ўтириб қолган», деб ёзади Motor.
Тажрибани ўтказиш учун блогерлар дўкондан беш литрли газланган ичимликни харид қилган. Автосервисга йўл олган блогерлар машинадан мотор мойини тўкиб, унга тўрт литр колани қуйган. Моторни ўт олдирган блогерлар автосервис яқинидаги майдончага чиқиб, машинани ҳайдай бошлаган.
Орадан тўрт дақиқа ўтгач, Opel Manta ўчиб қолган. Блогерлар моторни қайта ишга туширишга муваффақ бўлган. Бироқ агрегат узоқ ишламаган. Тажрибанинг олтинчи дақиқасида Opel’нинг капоти остидан тутун чиқа бошлаган. Агрегатга сезиларли даражада шикаст етганини тушунган ролик муаллифлари автосервисга қайтиб кириб, мотор билан нима содир бўлганини кўздан кечирган.
Opel Manta’дан моторни ечиб олган блогерлар агрегатнинг кўплаб қисмлари ёниб кетгани, ёриқлар, тешиклар пайдо бўлгани ва айрим элементлар эса умуман ажралиб тушганини кўрган. Видео муаллифлари автомобиль двигатели газ ичимлигида ҳам ҳаракатлана олади, бироқ узоқ вақт эмас деган хулосага келган.
Аввалроқ новосибирсклик блогерлар «ВАЗ-2110» двигателига мотор мойи ўрнига кислота қуйса, нима содир бўлишини текшириб кўрган эди.
Изоҳ (0)