Los-Anjelesdagi Humble Motors startapi “tom qismiga o‘rnatilgan quyosh panellaridan quvvatlanishga qodir dunyodagi birinchi elektrokrossover”ni taqdim etishni rejalashtirmoqda. Loyiha ustida Ford’ning sobiq xodimlari va Ferrari’dagi sheriklar ish olib bormoqda, biroq hozircha mashinaga oid tafsilotlar oshkor qilinmagan, deb xabar beradi Motor.
Humble Motors asoschisi Dima Stisi bo‘lib, u AQSh Harbiy-dengiz kuchlari faxriysi hisoblanadi. Stisi Garvard universiteti diplomiga ega, bunga qadar FinDox texnologik kompaniyasining strategi bo‘lgan va veganlar kosmetikasi brendi asoschisi hisoblanadi, ya’ni avtomobil sohasida tarjibaga ega emas.
Stisi bilan birga krossover loyihasi ustida dizaynerlar Li Rosario va Antonio Palya, Ford kompaniyasining sobiq top-menejeri, firik va materiashunos Aleksandr Bogichevich ish olib bormoqda. Humble Motors’ning yuqorida ismi keltirganlarning so‘nggisi bilan rejalari katta ko‘rinadi, chunki Bogichevich hisobida materialshunoslik sohasiga hamda avtomobillarda elektr energiyasidan foydalanishga oid qator ilmiy maqola va patentlar mavjud.
Hozircha Humble krossoveri 1034 ot kuchiga ega dvigatelga ega bo‘lishi va u bir marta quvvatlanish orqali 800 kilometr yo‘l bosa olishi ma’lum. Aerodinamik qarshilik koeffitsiyenti 0,25 ga teng. Taqqoslash uchun: Tesla Model X’da ushbu ko‘rsatkich 0,24 ni, Mercedes-Benz EQS’da esa 0,20 ni tashkil etadi.
Elektromobilning o‘ziga xosligi shundaki, unga umumiy maydoni 7,43 kvadrat metrga teng quyosh panellari o‘rnatiladi. Bu ob-havo sharoitiga bog‘liq ravishda kuniga qo‘shimcha 16—97 kilometr yurishga yetadigan energiyani taqdim etishi mumkin. Panellar mashinaning tom, yon qismlari bilan integratsiyalashadi, shuningdek, krossoverning avtoturargohda yoyiladigan “quyosh qanotlari” bo‘ladi.
Avvalroq Xiaomi kompaniyasi o‘z avtomobilini yaratishni boshlagani to‘g‘risida xabar berilgandi.
Izoh (0)