Professional boksning og‘ir vazn toifasida (+90,7 kg) harakat qilib kelayotgan Bahodir Jalolov (7-0, 7 KO) 3-aprel kuni Toshkentdagi Humo Arena’da tashkil etiladigan boks kechasida ringga ko‘tariladi.
Bahodirga bu jangda latviyalik Kristaps Zutis (7-1-2, 1 KO) raqiblik qiladigan bo‘ldi. U oxirgi jangini 2020-yilning 31-oktabrida o‘tkazgan.
Avvalroq Shahram G‘iyosov Toshkentdagi boks oqshomida Patrisio Lopes Morenoga, Iqboljon Xoldorov Kulva Bushiriga, Hasanboy Do‘stmatov esa Muhsin Kizotaga qarshi jang qilishi xabar qilingandi.
Mazkur boks kechasining asosiy jangida Murodjon Ahmadaliyev (8-0, 6 KO) Ryosuke Ivasaga (27-3, 17 KO) qarshi bellashuvda WBA va IBF kamarlarini himoya qiladi.
Eslatib o‘tamiz, Bahodir Jalolov professional boksdagi so‘nggi jangini 2020-yil 13-dekabrida Uilfredo Lilga (10-18-3, 8 KO) qarshi o‘tkazib, raqibini 1-raunddayoq nokautga uchratgandi.
Mavzuga doir:
Izoh (0)