Germaniya terma jamoasi JCh—2022 saralashi doirasida 31-mart kuni Makedoniyaga qarshi kechgan bahsda 1:2 hisobida mag‘lubiyatga uchradi.
Bu nemislar uchun Jahon Chempionatlari saralash bahslarida qayd etilgan 2001-yildan keyingi ilk mag‘lubiyat bo‘ldi. 20 yil avval Germaniya Angliyaga 1:5 hisobida taslim bo‘lgandi.
Qayd etish joiz, Germaniya JCh saralashlari tarixida uchinchi mag‘lubiyatni qabul qilib oldi. Makedoniya va Angliyadan avval jamoa 1985-yilda Portugaliyaga yengilgandi (0:1).
Shu tariqa Germaniyaning mundial saralashlaridagi 18 o‘yindan iborat g‘alabali seriyasi yakunlandi (bu rekord natija edi). Shuningdek, jamoaning mazkur musobaqa doirasidagi 35 o‘yinlik (30 g‘alaba, 5 durang) mag‘lubiyatsiz seriyasi ham barham topdi.
Yoaxim Lyov shogirdlari 3-turdan keyin 6 ochko bilan J guruhi 3-o‘rinda bormoqda.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)