Fransiya terma jamoasi hujumchisi Antuan Grizmann JCh—2022 saralashi 3-turi doirasida kechgan Bosniya va Gersegovinaga qarshi o‘yinda (2:1) gol urishga erishdi.
Bu 30 yoshli futbolchi uchun Fransiya terma jamoasi safidagi 35-gol bo‘ldi. “Barselona” forvardi fransuzlar safidagi 89-o‘yinida bu natijaga erishdi.
Shu tariqa Grizmann Fransiya terma jamoasi tarixidagi to‘purarlar ro‘yxatida to‘rtinchi o‘rinda turgan David Trezegeni (34 ta gol) orta qoldirdi.
Faqat Mishel Platini (41), Olivye Jiru (44) va Tyerri Anri (51) Antuandan yaxshiroq natija qayd etgan.
Shuningdek, fransiyaliklar darvozaboni Ugo Lyoris terma jamoa safidagi 123-o‘yinini o‘tkazdi. Lyoris bu borada Tyerri Anrining ko‘rsatkichini takrorladi. Ulardan oldinda faqat Lilian Tyuram (142 o‘yin) bormoqda.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)