Франция терма жамоаси ҳужумчиси Антуан Гризманн ЖЧ—2022 саралаши 3-тури доирасида кечган Босния ва Герцеговинага қарши ўйинда (2:1) гол уришга эришди.
Бу 30 ёшли футболчи учун Франция терма жамоаси сафидаги 35-гол бўлди. «Барселона» форварди французлар сафидаги 89-ўйинида бу натижага эришди.
Шу тариқа Гризманн Франция терма жамоаси тарихидаги тўпурарлар рўйхатида тўртинчи ўринда турган Давид Трезегени (34 та гол) орта қолдирди.
Фақат Мишел Платини (41), Оливье Жиру (44) ва Тьерри Анри (51) Антуандан яхшироқ натижа қайд этган.
Шунингдек, францияликлар дарвозабони Уго Льорис терма жамоа сафидаги 123-ўйинини ўтказди. Льорис бу борада Тьерри Анрининг кўрсаткичини такрорлади. Улардан олдинда фақат Лилиан Тюрам (142 ўйин) бормоқда.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)