O‘zbekiston milliy terma jamoasi bosh murabbiyi Vadim Abramov Iroqqa qarshi o‘rtoqlik o‘yinidan (0:1) so‘ng o‘z fikrlari bilan o‘rtoqlashdi, deb xabar bermoqda “Championat.asia”.
O‘yin haqidaEslatib o‘tamiz, JCh—2022 va Osiyo Kubogi—2023 qo‘shma saralashi doirasidagi rasmiy o‘yinlar 31-maydan 15-iyunga qadar Saudiya Arabistonida o‘tkaziladi.Avvalo, muxlislardan uzr so‘ramoqchiman, noqulay ob-havoga qaramasdan, bugun bizni qo‘llab-quvvatlash uchun ancha muxlis yig‘ilgandi. O‘yin yaxshi bo‘ldi, raqib ham yomon emas. G‘alaba qozonganingda, muammolar ko‘zga tashlanmaydi. Yutqazsang, bundan foydali jihatlarini topish mumkin. O‘ylaymanki, jamoamiz yomon emas, oldimizda turgan vazifani bajarishga intilamiz. O‘zimizni oqlashdek tuyuladi, ammo Iroq 23-mart kuni Toshkentga kelgan. Bilasiz, biz 26-martda Namanganda o‘yin o‘tkazdik. Bu ham ta’sirini ko‘rsatdi. Tarkibni o‘zgartirishimiz va boshqalarni maydonga tushirishimiz mumkin edi, biroq ko‘plab muxlislar kelishini inobatga olib, legionerlar xizmatidan foydalandik va mana shunday tarkibni maydonga tushirdik.
Iroq terma jamoasiga qarshi alohida taktika ishlab chiqilgan yo chiqilmagani haqida
Hozirgi holatda taktika haqida gapirish qiyin. Bugun raqib to‘liq himoyalangan holda qarshi hujumda o‘ynadi. Ular astoydil tayyorgarlik ko‘rishgani sezildi. Agar birinchi bo‘limda gol urganimizda, hammasi boshqacha bo‘lishi mumkin edi.
Jamoa ko‘p hujum qilgani, ammo yakuniy nuqtani qo‘yadigan futbolchi topilmayotgani haqida
Axir, bu futbol. Sen urmasang, seni jazolashadi. Bugun yutqaza turib ham hujum qilaverdik va vaziyatni o‘nglashga urinib, gol o‘tkazib yuborishimiz mumkin edi. Bugungi xatolardan xulosa chiqarib, kelajakda takrorlamaslikka harakat qilamiz.
Eldor Shomurodov nega almashtirilmagani hamda Igor Sergeyev va Shahzod Ubaydullayevning sport formasi haqida
Sergeyevda shunchaki jarohat bor. Ubaydullayevni esa maydonga tushirmadik, Shomurodov gol urishiga ishondik va muxlislarni xursand qilishini xohlagandik. Albatta, u gol urolmaganidan afsusda. Shuni ham aytish kerakki, Ubaydullayev ham yaxshi hujumchi.
Taktik tarafdan Srechko Katanesga (Iroq terma jamoasi bosh murabbiyi) yutqazganini tan olish yo olmasligi haqida
Ha, shunday desa bo‘ladi. Men taktik tomondan bugungi o‘yinni yutqazdim. Futbolchilarimiz darajasi raqibnikidan yuqori, shunchaki murabbiy omadsiz.
Terma jamoaning vaziyatlardan foydalanishda oqsayotgani va kreativlik yetishmayotgani haqida
Biz ko‘p narsani ko‘rsata olmaymiz, iyunda rasmiy o‘yinlarimiz bor. Hozir maxsus tayyorgarlik jarayonini to‘liq namoyish etishni xohlamaymiz, chunki barcha termalar o‘z raqiblarini o‘rganadi. Futbolchilarga ko‘p narsani ochiqlamasligini va erkin o‘ynashlarini tushuntirdim. Umid qilamanki, siz hammasini iyunda ko‘rasiz.
Jamoaga kreativ o‘yinchi yetishmayotgani va bo‘lajak rasmiy o‘yinlardan oldin hozirgi holat qandayligi haqida
Bundan oldin aytganimdek, yarim himoyachilarimiz markaziy himoyachilarga ko‘maklashdi va to‘pni olib qo‘yib, vaziyat yaratishga urindi. Bu vaqtda markaziy himoyachilarimiz shunchaki tomosha qilib turibdi. Endi sanab ko‘ring, 6 kishi to‘pni olib qo‘yishga harakat qilyapti. Bizni 4 nafar o‘yinchimiz esa oldinda raqibning 10 nafar futbolchisiga qarshi o‘ynayapti. Bu noto‘g‘ri qaror. Buni hali tahlil qilib chiqamiz. Xavotir olmang, kelajakda buni to‘g‘rilaymiz, hammasi yaxshi bo‘ladi.
Bu o‘yinda ham darvozabonning qo‘pol xatoga yo‘l qo‘ygani haqida
Ha, albatta muammomiz bor. Himoyachilar ham ishonchli o‘ynashlari lozim. Bugun darvozabonimiz yomon o‘ynamadi, uni yorqin kelajak kutyapti, sekin-asta tajriba to‘plab boradi.
Izoh (0)