Futbol bo‘yicha O‘zbekiston milliy terma jamoasi 29-mart, dushanba kuni Iroq termasiga qarshi o‘rtoqlik o‘yinida ishtirok etdi.
Uchrashuvning birinchi bo‘limi o‘rtacha tempda o‘tdi va hisob tanaffusga qadar o‘zgarmadi. Ikkinchi bo‘lim debyutida iroqliklar hisobni ochishga erishdi: uzoq masofadan yo‘llangan zarbani Abduvohid Ne’matov ushlab ololmadi. Natijada qaytgan to‘pni Sherko Latif yaqin masofadan darvozaga joylab qo‘ydi.
Qolgan vaqtda Vadim Abramov shogirdlarida bir qator imkoniyatlar yuzaga keldi. Biroq o‘zbekistonliklar raqib darvozasiga yo‘l topa olmadi.
Bundan avval O‘zbekiston terma jamoasi 26-mart kuni Namanganda o‘tgan bahsda Gananing zaxira jamoasini mag‘lub etgandi.
O‘rtoqlik uchrashuvi
29-mart, dushanba
O‘zbekiston — Iroq 0:1
Gol: 0:1 – 56 Sherko Latif.O‘zbekiston: Abduvohid Ne’matov, Farrux Sayfiyev (Sanjar Qodirqulov, 71), Islom To‘xtaxo‘jayev, Azim Ahmedov, Ibrohimxalil Yo‘ldoshev, Otabek Shukurov, Odil Hamrobekov, Oston O‘runov (Oybek Bozorov, 61), Sardor Rashidov (Dostonbek Hamdamov, 46), Jaloliddin Masharipov, Eldor Shomurodov.
Iroq: Jalol Hassan, Ahmed Ibrohim, Ali Fayoz, Safaa Hadi, Hussayn Ali (Sherko Karim Latif, 55), Ibrohim Bayish, Humam Tariq, Bashar Resan, Amjed Atvan (Muhammad Qosim, 55), Durgam Ismoil, Alaa Mhavi.
Ogohlantirishlar: Halaf (41), Tariq (81).
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)