O‘zbekistonning chekka shimoliy hududlariga 30-martdan Qozog‘iston hududidan biroz nam va nisbatan sovuq havo massalari kira boshlaydi, deb xabar bermoqda “O‘zgidromet”.
Toshkent viloyati va Farg‘ona vodiysida 30—31-mart va 1-aprel kunlari ba’zi joylarda nisbatan beqaror ob-havo kutilmoqda, qisqa muddatli yomg‘ir yog‘ishi mumkin. Faqat 31-mart kuni Jizzax va Sirdaryo viloyatlarida kuchsiz yomg‘ir yog‘ishi kutilmoqda.
Juma kuni kam bulutli va quruq ob-havo butun respublika hududini egallaydi.
Mart oyining so‘nggi kunlarida va aprel oyining birinchi kunlarida havo harorati kechasi 0-5 daraja iliq atrofida bo‘ladi. 30—31-mart va 1-aprel kuni kunduzi havo harorati biroz salqin bo‘lib, 7-10 daraja iliq atrofida bo‘ladi.
2-aprelda iliq havo massalari kirib keladi va kunduzi harorat 14-17 darajagacha iliq bo‘ladi.
Izoh (0)