Ўзбекистоннинг чекка шимолий ҳудудларига 30 мартдан Қозоғистон ҳудудидан бироз нам ва нисбатан совуқ ҳаво массалари кира бошлайди, деб хабар бермоқда «Ўзгидромет».
Тошкент вилояти ва Фарғона водийсида 30—31 март ва 1 апрель кунлари баъзи жойларда нисбатан беқарор об-ҳаво кутилмоқда, қисқа муддатли ёмғир ёғиши мумкин. Фақат 31 март куни Жиззах ва Сирдарё вилоятларида кучсиз ёмғир ёғиши кутилмоқда.
Жума куни кам булутли ва қуруқ об-ҳаво бутун республика ҳудудини эгаллайди.
Март ойининг сўнгги кунларида ва апрель ойининг биринчи кунларида ҳаво ҳарорати кечаси 0-5 даража илиқ атрофида бўлади. 30—31 март ва 1 апрель куни кундузи ҳаво ҳарорати бироз салқин бўлиб, 7-10 даража илиқ атрофида бўлади.
2 апрелда илиқ ҳаво массалари кириб келади ва кундузи ҳарорат 14-17 даражагача илиқ бўлади.
Изоҳ (0)