28-mart kuni deyarli butun O‘zbekiston bo‘ylab kuzatilgan yog‘ingarchilik Samarqand va Navoiy viloyatlarida ko‘p noqulayliklar keltirib chiqardi. Telegram’dagi Gidrometrologik ilmiy tahlillar, ob-havo bashoratlari, tadqiqotlar, ma’ruzalar kanalida yozilishicha, Xatirchi tumaniga o‘tgan bir kecha-kunduzda 1 gektar maydonga 540 tonna suv tushgan.
Samarqand, Navoiy viloyati janubiy tumanlari hamda Buxoro viloyatining yuqoridagi tumanlarga chegaradosh tumanlarida 28-mart kuni 09:00 dan 11:20 oralig‘ida kuchli chaqmoq-momaqaldiroqli bulutlar turib qolgan va ulardan kuchli jala-yomg‘ir yog‘gan.
Ma’lumotlarga ko‘ra, 28-mart soat 08:00 dan 29-mart soat 08:00 oralig‘ida Navoiy shahriga 50 millimetr, Sentob-Nurota meteorologik stansiyasida 50 millimetr, Xatirchi tumanida 54 millimetr, Payariq tumanida 34 millimetr, Kattaqo‘rg‘on tumanida 36 millimetr, Buxoro shahrida 22 millimetr va Romitanda 25 millimetr yomg‘ir yog‘gan.
“Meteorologiyada sutka davomida 30 millimetr va undan ko‘p miqdorda yomg‘ir yog‘ishi o‘ta xavfli gidrometeorologik hodisa hisoblanib, tabiiyki, bu qiymat o‘zi bilan turli tabiiy ofatlarni keltirib chiqarishi isbotlangan”, — deyiladi xabarda.
Ta’kidlanishicha, 28-mart kuni Navoiy viloyati Xatirchi tumanida juda ko‘p miqdorda yomg‘ir yog‘gan. Xususan, Xatirchida bir kecha kunduzda 1 gektar maydonga 540 tonna suv tushgan.
Mavzuga doir:
Izoh (0)