Apple kompaniyasi iPhone 12’ning uzoq muddat xizmat qilishiga qaratilgan yana bir reklama roligini e’lon qildi, deb xabar beradi IXBT. Bu safar rolik markazidan ekran uchun maxsus himoya qoplami — Ceramic Shield o‘rin olgan.
Reklama roligida ayol kishining qo‘lidagi iPhone 12 tushib ketadi. Qiz uni bir necha soniya davomida ushlashga harakat qiladi, biroq smartfon baribir yerga tushadi — ekraniga esa hech qanday shikast yetmaydi.
Rolik izohida: “iPhone 12 har qanday boshqa smartfondagidan ko‘ra mustahkamroq Ceramic Shield himoya oynasi bilan jihozlangan. Xotirjam bo‘ling, bu iPhone”, deyilgan.
iPhone 12 lineykasidagi barcha modellar Ceramic Shield qoplamali OLED-displeylar bilan jihozlangan bo‘lib, Apple’ning ma’lum qilishicha, u oldingi iPhone modellaridan ko‘ra yerga tushish zarbalariga to‘rt karra bardoshliroq.
Avvalroq xaridorlar iPhone 12 smartfonlari korpusining rangi o‘chib ketayotganidan shikoyat qilayotgani to‘g‘risida xabar berilgandi.
Izoh (0)