Internetda Meizu 18 Pro’ning Apple, Samsung va Oppo kompaniyalarining flagmanlari bilan taqqoslangani oid ma’lumotlar paydo bo‘ldi. Ma’lumotlarni Meizu Technology vitse-prezidenti Xua Xaylyan taqdim etgan, deb xabar beradi IXBT.
Top-menejerning so‘zlariga ko‘ra, birorta surat tahrirlanmagan, faqat ularning ostida qaysi modelda olingani tushirilgan.
Ta’kidlanishicha, suratlarning barchasi yorug‘lik kam bo‘lgan murakkab sharoitda olingan (bir qismi — ko‘chada, boshqasi — bino ichida). Barcha holatlarda tungi suratga olishning ixtisoslashgan rejimidan foydalanilgan (Meizu 18 Pro’da u Dark Vision deb nomlanadi).
Top-menejerning ta’kidlashicha, Meizu 18 Pro’ning ko‘cha suratlarda shovqin kam, ranglar tabiiy, detallar yaxshi ko‘ringan. iPhone 12 Pro Max ranglar uzatishda muammo bor, Oppo Find X3 Pro kamerasida olingani esa juda qorong‘i.
Bino ichidagi suratlar mutlaqo qorong‘ui sharoitda olingan. Ma’lum qilinishicha, faqat iPhone 12 Pro Max va Meizu 18 Pro bu kabi murakkab sharoitda fokusni yaxshi ushlay olgan. Shu bilan birga, to‘rtta kadrning barchasida fokus, yorqinlik va shovqin o‘rtasida uyg‘unlik bor.
Xua Xaylyanning xulosasiga ko‘ra, Meizu 18 Pro raqobatchilaridan yaxshiroq suratga oladi. Eng kamida yorug‘lik kam bo‘lgan sharoitda.
Avvalroq Meizu kompaniyasi ikkita flagman smartfoni — 18 va 18 Pro modellarini taqdim etgani to‘g‘risida xabar berilgandi. Ular shisha va metalldan ishlangan korpus, Snapdragon 888 protsessori va Samsung Galaxy S21’dagi kabi ekranga ega bo‘lgan.
Izoh (0)