Apple компанияси iPhone 12’нинг узоқ муддат хизмат қилишига қаратилган яна бир реклама ролигини эълон қилди, деб хабар беради IXBT. Бу сафар ролик марказидан экран учун махсус ҳимоя қоплами — Ceramic Shield ўрин олган.
Реклама ролигида аёл кишининг қўлидаги iPhone 12 тушиб кетади. Қиз уни бир неча сония давомида ушлашга ҳаракат қилади, бироқ смартфон барибир ерга тушади — экранига эса ҳеч қандай шикаст етмайди.
Ролик изоҳида: «iPhone 12 ҳар қандай бошқа смартфондагидан кўра мустаҳкамроқ Ceramic Shield ҳимоя ойнаси билан жиҳозланган. Хотиржам бўлинг, бу iPhone», дейилган.
iPhone 12 линейкасидаги барча моделлар Ceramic Shield қопламали OLED-дисплейлар билан жиҳозланган бўлиб, Apple’нинг маълум қилишича, у олдинги iPhone моделларидан кўра ерга тушиш зарбаларига тўрт карра бардошлироқ.
Аввалроқ харидорлар iPhone 12 смартфонлари корпусининг ранги ўчиб кетаётганидан шикоят қилаётгани тўғрисида хабар берилганди.
Изоҳ (0)