Facebook qamoqdan ozod qilingan sobiq mahbuslar uchun The Re-Entry App dasturi ustida ish olib boryapti. Bu haqda ba’zi Instagram foydalanuvchilariga kelgan bildirishnomalar asosida Bloomberg xabar berdi, deb yozmoqda “Kommersant”.
Ijtimoiy tarmoq odamlarga sobiq mahbuslarni kundalik hayotga moslashishiga imkon beruvchi servisning sinovi uchun ro‘yxatdan o‘tishni taklif qilgan.
Instagram’da yozilishicha, The Re-Entry App servisi “jamiyat ko‘magi bilan qamoqdan keyingi hayotga tayyorlanish”ga imkon beradi. Instagram tarmog‘i lentasining yuqori qismida paydo bo‘lgan e’lon servisdan ertaroq foydalanish uchun ro‘yxatdan o‘tishni taklif qilgan.
Facebook vakilining agentlikka bergan ma’lumotiga ko‘ra, e’lon “faqat ichki test doirasida” tanlanishi kerak edi. “Bizning dasturlarimizda marginallashtirilgan (chetlashtirib qo‘yilgan, yakkalab qo‘yilgan) hamjamiyatlar a’zolari duch keladigan bo‘shliqlarni to‘ldirish uchun turli usullarni o‘rganyapmiz”, — dedi u va bildirishnomaning ommaviy foydalanishdan olib tashlanganini ta’kidladi.
Avvalroq Facebook ma’lumotlarni kiritishga mo‘ljallangan brasletining konseptini taqdim etdi. Kompaniyadagilarning so‘zlariga ko‘ra, hozirda biror nomga ega bo‘lmagan mazkur texnologiyani yaratish uchun 5-10 yil kerak bo‘ladi.
Izoh (0)