Facebook қамоқдан озод қилинган собиқ маҳбуслар учун The Re-Entry App дастури устида иш олиб боряпти. Бу ҳақда баъзи Instagram фойдаланувчиларига келган билдиришномалар асосида Bloomberg хабар берди, деб ёзмоқда «Коммерсантъ».
Ижтимоий тармоқ одамларга собиқ маҳбусларни кундалик ҳаётга мослашишига имкон берувчи сервиснинг синови учун рўйхатдан ўтишни таклиф қилган.
Instagram’да ёзилишича, The Re-Entry App сервиси «жамият кўмаги билан қамоқдан кейинги ҳаётга тайёрланиш»га имкон беради. Instagram тармоғи лентасининг юқори қисмида пайдо бўлган эълон сервисдан эртароқ фойдаланиш учун рўйхатдан ўтишни таклиф қилган.
Facebook вакилининг агентликка берган маълумотига кўра, эълон «фақат ички тест доирасида» танланиши керак эди. «Бизнинг дастурларимизда маргиналлаштирилган (четлаштириб қўйилган, яккалаб қўйилган) ҳамжамиятлар аъзолари дуч келадиган бўшлиқларни тўлдириш учун турли усулларни ўрганяпмиз», — деди у ва билдиришноманинг оммавий фойдаланишдан олиб ташланганини таъкидлади.
Аввалроқ Facebook маълумотларни киритишга мўлжалланган браслетининг концептини тақдим этди. Компаниядагиларнинг сўзларига кўра, ҳозирда бирор номга эга бўлмаган мазкур технологияни яратиш учун 5-10 йил керак бўлади.
Изоҳ (0)