Ma’lumki, 2021-yil 11-mart kuni O‘zbekiston Respublikasi Prezidentining “Bozor tamoyillariga asoslangan ipoteka kreditlarini ajratish orqali aholini uy-joy bilan ta’minlashga oid qo‘shimcha chora-tadbirlar to‘g‘risida”gi PF 6186-sonli farmoni qabul qilindi. Farmonga muvofiq, yangi tartib doirasida va birlamchi uy-joy bozorida ipoteka kreditlari ajratilishida bir qator o‘zgarish va qulayliklar joriy qilindi.
Xususan, “Qishloq qurilish bank” ATB ham yurtdoshlarimizning yangi uy-joy xarid qilishi uchun taklif etayotgan ipoteka kreditlarining shartlarini farmon talablari asosida qayta ko‘rib chiqdi. Shu asosda mijozlarga qator qulayliklar taqdim etilmoqda. Jumladan, endilikda ipoteka kreditlari uchun qarz oluvchi fuqaro talabiga ko‘ra, 6 oylik imtiyozli davr joriy qilindi. Muddat esa o‘zgarishsiz qolmoqda, ya’ni 20 yil!
Shu kunga qadar ipoteka kreditlari uchun dastlabki badal shahar joylarda uy-joy qiymatining 20 foizi, qishloq joylarda 10 foizini tashkil qilgan bo‘lsa, endilikda barcha hududlar bo‘yicha bir xil – 15 foizidan kam bo‘lmagan miqdorda to‘lanadi. Ahamiyatli jihati shundaki, barcha hududlarda daromadi yuqori bo‘lmagan va uy-joy sharoitini yaxshilashga muhtoj fuqarolarga ipoteka krediti bo‘yicha dastlabki badalning bir qismini qoplash uchun, davlat budjetidan subsidiyalar uy-joy hisoblangan qiymatining 10 foizi miqdorida ajratilishi belgilandi. Avvalgi tartibga ko‘ra, bu faqat shahar hududlarda amal qilar edi. O‘z navbatida, kredit bo‘yicha foizlarni qoplash uchun subsidiya saqlanib qolindi. Bu esa ehtiyojmand oilalarning ijtimoiy qo‘llab-quvvatlash va uy-joylarga ega bo‘lishi uchun zarur va teng sharoit yaratish demakdir.
Albatta, ipoteka kreditini so‘ndirish, o‘z vaqtida to‘lab borish ikki taraf uchun ham teng manfaatlidir. Shunday ekan, to‘lov shakli muhim ahamiyatga ega. Agar shu kunga qadar yangi tartib bo‘yicha taklif etilayotgan ipoteka kreditlarini so‘ndirish faqatgina annuitet usulda amalga oshirilgan bo‘lsa, endilikda buning differensial yoki annuitet usulida bo‘lishi qarz oluvchining istagiga ko‘ra amalga kiritiladi.
Shuningdek, O‘zbekiston Respublikasi Prezidentining 2020-yil 1-maydagi PQ 4701-sonli qaroriga muvofiq Andijon, Namangan, Farg‘ona viloyatlarida joriy etilgan jismoniy shaxslarga yakka tartibdagi uy-joylarni qurish va rekonstruksiya qilish uchun kreditlar ajratish tartibi barcha hududlarga joriy etildi.
Bunda, daromadi yuqori bo‘lmagan va uy-joy sharoitini yaxshilashga muhtoj fuqarolarga yakka tartibdagi uy-joylarni qurish va rekonstruksiya qilish uchun ajratilgan ipoteka krediti bo‘yicha, dastlabki besh yil mobaynida foiz stavkasining 10 foizlik punktdan oshgan qismini qoplash uchun davlat budjetidan subsidiyalar ajratiladi.
Shu bilan birga, farmonga muvofiq ajratiladigan ipoteka kreditining maksimal miqdori quyidagicha qilib belgilandi:
- qishloq hududlarida – kvartira qiymatining 85 foizigacha va 238,0 million so‘mdan ortiq bo‘lmagan miqdorda;
- viloyatlarning shahar hududlarida – kvartira qiymatining 85 foizigacha va 309,4 million so‘mdan ortiq bo‘lmagan miqdorda;
- Toshkent shahrida – kvartira qiymatining 85 foizigacha va 339,15 million so‘mdan ortiq bo‘lmagan miqdorda.
O‘z navbatida, farmon asosida uy-joy oluvchi fuqarolarga davlat budjeti mablag‘lari hisobidan subsidiya to‘lovlari ajratilishi bo‘yicha ham ayrim o‘zgarishlar amalga kiritildi. Jumladan:
- subsidiya olish uchun murojaat qilgan ariza beruvchining daromadlariga u bilan birga yashamayotgan yaqin qarindoshlarining daromadlari ham kiritilishi mumkin;
- fuqarolar subsidiya olish uchun arizalarni yil davomida topshirishlari mumkin;
- uy-joy sotib olish uchun subsidiya taqdim etish to‘g‘risidagi xabarnoma ular berilgan sanadan boshlab, 12 oy davomida amal qiladi.
“Qishloq qurilish bank” ATB farmon ijrosini ta’minlash va fuqarolarning uy-joyga bo‘lgan ehtiyojini qondirish maqsadida, yuqorida keltirilgan yangi qoidalarga qat’iy amal qilgan holda ipoteka kreditlarini taqdim etadi.
Eng asosiysi, bank o‘zi taqdim etayotgan ipoteka kreditlari uchun yillik foiz to‘lovlarini oshirmagan holda, yillik 17 foiz miqdorida saqlab qoldi. Bu esa, ayni paytda birlamchi uy-joy xarid qilish uchun taklif etilayotgan ipoteka kreditlari orasida eng arzon ko‘rsatkichdir. Bir so‘z bilan aytganda, “Qishloq qurilish bank” ATB ipoteka kreditlari yanada qulay va oson shartlarda taklif etilmoqda.
Siz ham imkoniyatni qo‘ldan boy bermang!
“Qishloq qurilish bank” — farovon hayotingiz xizmatida.
Murojaat uchun
Telefon: +99878 150 93 39
Veb-sayt: www.qqb.uz
Telegram: @QQBANK
Facebook: http://fb.com/official.qqb.uz
Bank axborot xizmati
Reklama huquqi asosida.
Izoh (0)