Siz o‘zingizni uskuna buzilishi va tarmoqning ishlamay qolishidan faqatgina bunday vaziyatlarning yuzaga kelishi ehtimolini inobatga olib, tegishli profilaktik choralarni ko‘rish bilangina himoyalashingiz mumkin. Cisco servis xizmat ko‘rsatish shartnomalari infratuzilmada paydo bo‘ladigan muammolarning oldini olishga yordam beradi. Cisco Smartnet Total Care texnik ko‘magi shunday faol xizmatlardan biri hisoblanadi.
Smartnet Total Care xizmat ko‘rsatish shartnomasi — bu nima?
Ushbu shartnomaning asosi quyidagi to‘rtta tarkibiy qismdan iborat:
- Cisco TAC texnik qo‘llab-quvvatlash markazi mutaxassislariga kecha-yu kunduz murojaat qilish imkoniyati;
- Cisco.com keng bilimlar bazasi, hamjamiyatlar, manba va vositalardan interfaol tarzda foydalana olish;
- Toshkent va O‘zbekistonning boshqa shaharlari uchun asbob-uskunalarni keyingi ish kunida, oldindan almashtirish;
- iOS operatsion tizimining muntazam yangilanishi, dasturiy ta’minotning apdeyt va apgreyd qilinishi.
Smartnet Total Care nima uchun kerak?
O‘zbekistonda Mobiuz uyali aloqa operatori Cisco yechimlari asosida ishlaydi. Ilgari kompaniyaga kafolat asosida bazaviy texnik ko‘mak ko‘rsatilgan, Cisco Smartnet Total Care xizmat ko‘rsatish shartnomasi operator uchun qo‘shimcha imkoniyatlarni ochib berdi.
Shartnomani imzolashdan oldin, asbob-uskunalar ishlamay qolganda ularni standart kafolat asosida almashtirish uchun uzoq vaqt, ba’zan bir necha oy kutishga to‘g‘ri kelar edi. Smartnet Total Care xizmat ko‘rsatish shartnomasiga binoan nosoz uskunalarni almashtirish bir necha marta tez bajariladi. Almashtirish uchun asbob-uskunalar yetkazib beruvchi tomonidan Toshkentdagi Cisco mahalliy xizmat ko‘rsatish omboridan, Next Business Day sxemasi bo‘yicha keyingi ish kunida yetkazib beriladi va ularning uzluksiz, nosozliklarga chidamli tarzda ishlashi ta’minlanadi.
“Mobiuz uyali aloqa operatori Cisco kompaniyasiga boshqa xizmat ko‘rsatuvchilar bilan bir qatorda uskunalarning uzluksiz va nosozliklarga chidamli tarzda ishlashini ta’minlovchi, uzoq muddatli va ishonchli sherik deb qaraydi. Biz uchun abonentlarga ko‘rsatiladigan xizmatlar sifatini muntazam oshirish muhim ahamiyatga ega, shu sababli biz tezkor va sifatli yordam, maslahatlarni olish uchun ishonchli bo‘lgan, to‘liq xizmat ko‘rsatish shartnomasini tuzdik”, — deydi Mobiuz kompaniyasi IT infratuzilmasidan foydalanish bo‘limi boshlig‘i Rustam Abdulvaat.
Shartnomaning muhim afzalligi — bu nosoz uskunaning tez almashtirilishi hisoblanadi. Chunki aloqa operatori faoliyatida hatto bir necha daqiqali to‘xtashlar ham hajmi bo‘yicha xizmat ko‘rsatish xarajatlari bilan taqqoslab bo‘lmaydigan yo‘qotishlarni keltirib chiqaradi. Uskunalarning ishdan chiqishi biznes jarayonlarning uzluksizligiga tahdid soluvchi jiddiy salbiy oqibatlarga olib kelishi mumkin. Oqibatda o‘ta muhim ma’lumotlar yo‘qotilishi va kompaniyaga bo‘lgan ishonch pasayishi mumkin.
Tarmoq uskunalarining doimiy qo‘llab-quvvatlashga muhtojligining yana bir sababi – bu texnologiya va dasturiy ta’minotning juda tez rivojlanishi. Samarali va xavfsiz faoliyat yuritish uchun operatsion tizimlar va dasturiy ta’minotning eskirishiga yo‘l qo‘ymaslik lozim. Smartnet Total Care xizmati dasturiy ta’minotni yangilab turish va tarmoqning ishonchli ishlashini ta’minlashga yordam beradi. Chunki o‘z vaqtida yangilangan dasturiy ta’minot boshqa narsalardan tashqari kiber tahdidlardan himoya qiladi.
Shartnomani tuzish
“Biz har yili IT departamenti tarmog‘ida ishlaydigan barcha asbob-uskunalarga xizmat ko‘rsatish muddatini uzaytiramiz. Shu orqali biz Cisco mutaxassislaridan nafaqat amaliy yordam, balki kerakli maslahatlarni ham olishga erishamiz. Buning yordamida asbob-uskunalarning hayotiylik davri sezilarli darajada uzaytiriladi, ularning uzluksiz va nosozliklarga chidamli tarzda ishlashi ta’minlanadi”, — deydi Rustam Abdulvaat.
Mobiuz kompaniyasidagilar Mission Critical va Business Critical tizimlari bilan ishlaydigan uskunalar barqaror va uzluksiz ishlashi kerakligini tushunadi. Ushbu masalani yetkazib beruvchining yordamisiz hal qilish qiyin.
Mahalliy ehtiyot qismlar omborining mavjudligi asbob-uskunalar bilan halokatli vaziyatlar paydo bo‘lganda ham muammoning eng qisqa vaqtda hal qilinishiga bo‘lgan ishonchni kuchaytiradi.
Amaliyotda shartnomaviy yordamning amal qilishi
Yaqqol misollardan biri – yangi NGFW uskunalarining ishga tushirilishi hisoblanadi. Ma’murlar korxona tarmog‘ida ularni sozlash paytida Cisco bilimlar bazasidan bir necha marta foydalangan. Shuningdek, ular kerakli DT va proshivkalarni yuklab olgan, maslahat olish uchun murojaat qilgan, tiketlarni ochgan va hamjamiyatning boshqa a’zolari tajribalarini o‘rgangan.
“Cisco Smartnet Total Care xizmatining ikkita muhim afzalligi mavjud. Birinchisi – uskunani bo‘nak tarzida almashtirish. Bunga keyingi ish kunida almashtirish kiradi. Ikkinchisi esa Smart Call Home funksiyasini qo‘llab-quvvatlovchi qurilmalarga mo‘ljallangan oldini olish diagnostikasi va ogohlantirishlarni bir onda uzatish hisoblanadi.
Ushbu afzalliklar ma’murlar va tarmoq muhandislari uchun bir xil takrorlanuvchi vazifalardan xalos etuvchi qulay jihat hisoblanadi. Masalan, xizmat ko‘rsatish keyslarini ochishga, nosoz uskunalarni qabul qilish va topshirish haqidagi hujjatlarni rasmiylashtirishga va hokazolarga hojat qolmaydi. Bu asosiy resursni, ya’ni vaqtni tejaydi”, — deya tushuntirdi Rustam Abdulvaat.
Cisco kompaniyasi Smartnet Total Care xizmat ko‘rsatish shartnomasi haqida
Pandemiya paytida masofadan turib, internet orqali ishlaydigan odamlarning soni keskin oshdi. Ko‘pgina odamlar uchun serverlar, ilovalar va ofis aloqa vositalaridan masofaviy foydalana oluvchi ish joylarini to‘laqonli tashkil etish zarurati tug‘ildi.
Shu bilan birga kanallar va telekommunikatsiya uskunalariga tushadigan yuklama ko‘paydi. Bu muqarrar ravishda aloqa sifatiga talablarni va uskunalarning uzluksiz ishlash zarurligini oshirdi. O‘zbekistonda servis xizmatlari dolzarb va xaridorgir bo‘lganligi sababli ularga talab o‘sib bormoqda.
Cisco uchun mijozlarning asbob-uskunalarini o‘z vaqtida xizmat ko‘rsatish shartnomasi bilan qamrab olish masalasi muhim ahamiyatga ega. Chunki bu holda sotuvchi nafaqat yuqori sifatli asbob-uskunalarni yetkazib bera oladi, balki yanada samarali yordam ham ko‘rsata oladi.
Kompaniyaning e’tibori ushbu xizmatni yanada faol siljitishga hamda buyurtmachilar va sheriklar uchun maxsus sadoqat dasturlarini ishlab chiqishga qaratilgan.
Cisco shuningdek, premium xizmatlarni rivojlantirishga katta e’tibor beradi. Xususan, tashkilot buyurtmachining yetkazib beruvchi tarmog‘ini qo‘llab-quvvatlaydigan kompleks yechim bo‘lgan — Solution Support xizmatiga va innovatsion SX (Customer Experiyence) portfoliosiga sarmoya kiritmoqda. 2020-yil sentabr oyida Success Track xizmatining bozorga chiqarilishi eng muhim voqeaga aylandi. Ushbu xizmat buyurtmachining infratuzilmasiga yanada tez integratsiyalashish va Cisco’ning dasturiy yechimlarini joriy qilish maqsadida resurslar va vositalarni taqdim etadi.
Qo‘shimcha ma’lumotni O‘zbekistondagi Cisco vakilidan olish mumkin:
Nargiza Kushakova nkushako@cisco.com
Veb-sayt: Cisco.com
Reklama huquqi asosida.
Izoh (0)