Енгил вазн тоифасида UFC собиқ чемпиони Ҳабиб Нурмагомедовнинг амакиваччаси Умар Нурмагомедов (13-0) UFC 260 мусобақасида жанг қилмайдиган бўлди.
«Умар бу мусобақада қатнашмайди. Рақиб топа олмадик», — дея Нурмагомедовнинг вакили сўзларини келтирмоқда ТАСС.
Умар Нурмагомедовнинг жанги 27 март куни бўлиб ўтиши режалаштирилганди. UFC 260 андеркардида Ҳабибнинг яна бир амакиваччаси Абубакар Нурмагомедов (15-3-1) октагонга чиқади. У Жаред Гуденга (17-5) қарши жанг қилади.
Эслатиб ўтамиз, 25 ёшли Умар январь ойида UFC’даги дебют жангини ўтказган ва унда қозоғистонлик Сергей Морозовни иккинчи раундда бўғиш усули билан таслим этганди.
UFC 260 мусобақасининг асосий жанги оғир вазн тоифаси чемпиони Стипе Миочич (20-3) ва дивизион етакчиларидан бири Френсис Нганну (15-3) ўртасида кечади.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)