“Auto.ru” portalida 65 ming kilometr yo‘l bosgan qora “GAZ-13” sotuvga qo‘yilgani to‘g‘risida e’lon paydo bo‘ldi. Ideal holatdagi noyob avtomobil Kiprda joylashgan bo‘lib, uni 12 million rublga (160 ming dollar) xarid qilish mumkin, deb yozadi Motor.
E’londa ko‘rsatilishicha, ayni vaqtda ushbu “Chayka” Kiprdagi Limasol shahrida saqlanmoqda. Biroq sotuvchi potensial xaridor uchun noyob sedanni Rossiyaga yetkazib berishga tayyor. Sovet avtomobili qanday qilib O‘rta Sharqdagi orol davlatga borib qolgani noma’lum. Sotuvchining ta’kidlashicha, uning “GAZ-13” modeli boy tarixga ega.
E’lon qilingan suratlarga ko‘ra, “Chayka” ideal holatda saqlangan. Sotuvchining aytishicha, avtomobilning zavod jamlanmalari to‘liq saqlanib qolgan va ta’mirga muhtoj emas. 60 yil davomida mashina 65 ming kilometr yo‘l bosgan va unga uch kishi egalik qilgan.
“GAZ-13”ga 195 ot kuchiga ega 5,5 litrli V8 dvigateli o‘rnatilgan bo‘lib, agregat avtomat transmissiya yordamida ishlaydi. Orqa uzatmali sedan soatiga 100 kilometr tezlikka 20 soniyada erishadi.
Avvalroq Brejnevga sovg‘a qilingan eng birinchi “Chayka” Germaniyada sotuvga qo‘yilgani to‘g‘risida xabar berilgandi.
Izoh (0)