«Auto.ru» порталида 65 минг километр йўл босган қора «ГАЗ-13» сотувга қўйилгани тўғрисида эълон пайдо бўлди. Идеал ҳолатдаги ноёб автомобиль Кипрда жойлашган бўлиб, уни 12 миллион рублга (160 минг доллар) харид қилиш мумкин, деб ёзади Motor.
Эълонда кўрсатилишича, айни вақтда ушбу «Чайка» Кипрдаги Лимасол шаҳрида сақланмоқда. Бироқ сотувчи потенциал харидор учун ноёб седанни Россияга етказиб беришга тайёр. Совет автомобили қандай қилиб Ўрта Шарқдаги орол давлатга бориб қолгани номаълум. Сотувчининг таъкидлашича, унинг «ГАЗ-13» модели бой тарихга эга.
Эълон қилинган суратларга кўра, «Чайка» идеал ҳолатда сақланган. Сотувчининг айтишича, автомобилнинг завод жамланмалари тўлиқ сақланиб қолган ва таъмирга муҳтож эмас. 60 йил давомида машина 65 минг километр йўл босган ва унга уч киши эгалик қилган.
«ГАЗ-13»га 195 от кучига эга 5,5 литрли V8 двигатели ўрнатилган бўлиб, агрегат автомат трансмиссия ёрдамида ишлайди. Орқа узатмали седан соатига 100 километр тезликка 20 сонияда эришади.
Аввалроқ Брежневга совға қилинган энг биринчи «Чайка» Германияда сотувга қўйилгани тўғрисида хабар берилганди.
Изоҳ (0)