Polshaning barcha hududi karantinga olinadi. Bu haqda mamlakat sog‘liqni saqlash vaziri Adam Nedzelskiyga tayanib “RIA Novosti” xabar berdi.
Mamlakatning COVID-19 koronavirusi eng ko‘p tarqalgan Varminsko-Mazurskoye, Pomorskoye, Mazoviya va Lyubuskoye hududlari turli vaqtlarda lokdaun tartibiga o‘tdi.
“Bizda endi mintaqaviy darajada cheklovlar qo‘yish uchun imkon yo‘q. Yagona yechim — butun Polsha bo‘ylab karantin joriy etishdir”, — dedi Nedzelskiy.
Ma’lumot uchun, Polshada o‘tgan yili 1946-yildan buyon maksimal darajada ko‘p inson vafot etdi. Salkam 477 ming kishi vafot etgan — bu 2019-yilgi ko‘ratkichlarga qaraganda, taxminan, 67 mingga ko‘p. Dastlabki ma’lumotlarga ko‘ra, Polsha aholisi 2020-yil oxiri hisoblari bo‘yicha 38 million 268 mingni tashkil etmoqda. Mamlakat aholisi 2019-yil bilan taqqoslanganda 115 ming kishiga kamaygan.
Avvalroq fevral oyidan Polshadan chiqarib yuborilgan Rossiyaning Poznan shahridagi bosh konsuli Igor Oshepkov koronavirus bilan kasallangani va fuqarolarning hayotini xavf ostiga qo‘yib, o‘zini izolyatsiya qilmagani haqida xabar berildi.
Shuningdek, Qozog‘iston poytaxti Nur-Sultonda ham 18-martdan cheklov va karantin choralari kuchaytiriladi. Shahar bosh davlat sanitar shifokori Sarxat Beysenova tegishli qarorni imzolagan.
Izoh (0)