Польшанинг барча ҳудуди карантинга олинади. Бу ҳақда мамлакат соғлиқни сақлаш вазири Адам Недзельскийга таяниб «РИА Новости» хабар берди.
Мамлакатнинг COVID-19 коронавируси энг кўп тарқалган Варминьско-Мазурское, Поморское, Мазовия ва Любуское ҳудудлари турли вақтларда локдаун тартибига ўтди.
«Бизда энди минтақавий даражада чекловлар қўйиш учун имкон йўқ. Ягона ечим — бутун Польша бўйлаб карантин жорий этишдир», — деди Недзельский.
Маълумот учун, Польшада ўтган йили 1946 йилдан буён максимал даражада кўп инсон вафот этди. Салкам 477 минг киши вафот этган — бу 2019 йилги кўраткичларга қараганда, тахминан, 67 мингга кўп. Дастлабки маълумотларга кўра, Польша аҳолиси 2020 йил охири ҳисоблари бўйича 38 миллион 268 мингни ташкил этмоқда. Мамлакат аҳолиси 2019 йил билан таққосланганда 115 минг кишига камайган.
Аввалроқ февраль ойидан Польшадан чиқариб юборилган Россиянинг Познан шаҳридаги бош консули Игорь Ошепков коронавирус билан касаллангани ва фуқароларнинг ҳаётини хавф остига қўйиб, ўзини изоляция қилмагани ҳақида хабар берилди.
Шунингдек, Қозоғистон пойтахти Нур-Султонда ҳам 18 мартдан чеклов ва карантин чоралари кучайтирилади. Шаҳар бош давлат санитар шифокори Сархат Бейсенова тегишли қарорни имзолаган.
Изоҳ (0)