Futbol bo‘yicha Ispaniya La Ligasining 27-turida “Barselona” 15-mart, dushanba kuni “Ueska”ni qabul qildi.
Bellashuv katalon klubining ustunligida o‘tdi. O‘yinning 13-daqiqasida Lionel Messi jarima maydoni ichiga kirmasdan o‘ta kuchli zarba yo‘lladi va to‘p darvoza to‘siniga tegib gol bo‘ldi. 35-daqiqada esa Antuan Grizmann Messidan qolishmagan holda kuchli zarbasi bilan hisoni 2:0 ko‘rinishiga keltirdi. Birinchi bo‘limga qo‘shib berilgan 45+4-daqiqada mehmonlar hisobni qisqartirishga erishdi. Rafa Mir 11 metrlik jarima zarbasini golga aylantirdi. Ikkinchi bo‘limning 53-daqiqasida Oskar Mingesa Messining uzatmasidan so‘ng hisobni yana bittaga oshirdi. Messi 90-daqiqada yana jarima maydoni tashqarisidan zarba bergan holda o‘z dublini nishonladi va o‘yinga yakuniy nuqtani qo‘ydi.
Ushbu g‘alabadan keyin “Barselona” o‘z ochkolarini 59 taga yetkazgan holda 2-pog‘onada borayotgan bo‘lsa, “Ueska” (20) so‘nggi, 20-o‘rindan joy olgan.
La Liga
27-tur bahsi15-mart, dushanba
“Barselona” — “Ueska” 4:1
Gollar: 1:0 – 13 Messi, 2:0 – 35 Grizmann, 2:1 – 45, penalti Rafa Mir, 3:1 – 53 Mingesa, 4:1 – 90 Messi.“Barselona”: ter Stegen, Alba, Mingesa, Langle, Dest (Moriba, 69), Buskets, de Yong (Arauxo, 63), Pedri (Puch, 85), Dembele (Breytueyt, 85), Messi, Grizmann (Trinkau, 69).
“Ueska”: Alvaro Fernandes, Galan, Insua (Vavro, 78), Siovas, Maffeo (Pedro Lopes, 78), Dumbiya (Seoane, 60), Mikel Riko, Ferreyro (Ontiveros, 78), Pulido, Rafa Mir, Dani Eskriche (Serxio Gomes, 60).
Ogohlantirishlar: Dani Eskriche (48), Insua (60).
Izoh (0)