Футбол бўйича Испания Ла Лигасининг 27-турида «Барселона» 15 март, душанба куни «Уэска»ни қабул қилди.
Беллашув каталон клубининг устунлигида ўтди. Ўйиннинг 13-дақиқасида Лионель Месси жарима майдони ичига кирмасдан ўта кучли зарба йўллади ва тўп дарвоза тўсинига тегиб гол бўлди. 35-дақиқада эса Антуан Гризманн Мессидан қолишмаган ҳолда кучли зарбаси билан ҳисони 2:0 кўринишига келтирди. Биринчи бўлимга қўшиб берилган 45+4-дақиқада меҳмонлар ҳисобни қисқартиришга эришди. Рафа Мир 11 метрлик жарима зарбасини голга айлантирди. Иккинчи бўлимнинг 53-дақиқасида Оскар Мингеса Мессининг узатмасидан сўнг ҳисобни яна биттага оширди. Месси 90-дақиқада яна жарима майдони ташқарисидан зарба берган ҳолда ўз дублини нишонлади ва ўйинга якуний нуқтани қўйди.
Ушбу ғалабадан кейин «Барселона» ўз очколарини 59 тага етказган ҳолда 2-поғонада бораётган бўлса, «Уэска» (20) сўнгги, 20-ўриндан жой олган.
Ла Лига
27-тур баҳси15 март, душанба
«Барселона» — «Уэска» 4:1
Голлар: 1:0 – 13 Месси, 2:0 – 35 Гризманн, 2:1 – 45, пенальти Рафа Мир, 3:1 – 53 Мингеса, 4:1 – 90 Месси.«Барселона»: тер Стеген, Альба, Мингеса, Лангле, Дест (Мориба, 69), Бускетс, де Йонг (Араухо, 63), Педри (Пуч, 85), Дембеле (Брэйтуэйт, 85), Месси, Гризманн (Тринкау, 69).
«Уэска»: Альваро Фернандес, Галан, Инсуа (Вавро, 78), Сиовас, Маффео (Педро Лопес, 78), Думбия (Сеоане, 60), Микель Рико, Феррейро (Онтиверос, 78), Пулидо, Рафа Мир, Дани Эскриче (Серхио Гомес, 60).
Огоҳлантиришлар: Дани Эскриче (48), Инсуа (60).
Изоҳ (0)