IIV YHXBB axborot xizmati ijtimoiy tarmoqlarda “Qashqadaryoda YPX avtomobili yonib ketdi” sarlavhasi ostida tarqalgan videoga munosabat bildirdi.
Ma’lum bo‘lishicha, videoda tasvirlangan holat 2020-yilning 18-dekabr kuni Qarshi shahrida sodir bo‘lgan. Yong‘in bartaraf etilgan. Hodisada hech kim tan jarohati olmagan.
“Ayrim norasmiy sahifa egalaridan shu kabi holatlarni vaqt va sanasini aniqlashtirmasdan, bugun yoki yaqin kunlarda sodir bo‘lgandek o‘z sahifalarida asossiz izohlamasliklarini so‘raymiz”, — deyiladi xabarda.
Avvalroq Navoiyda mast haydovchi boshqaruvidagi Lacetti YPX posti oldida avariyaga uchrab, yonib ketgani, Toshkentda YHXB avtomobili Lacetti bilan to‘qnashgani, Surxondaryoda YPX xodimi boshqaruvidagi somon ortilgan yuk mashinasi ag‘darilib ketgani to‘g‘risida xabar berilgandi.
Izoh (0)