ИИВ ЙҲХББ ахборот хизмати ижтимоий тармоқларда «Қашқадарёда ЙПХ автомобили ёниб кетди» сарлавҳаси остида тарқалган видеога муносабат билдирди.
Маълум бўлишича, видеода тасвирланган ҳолат 2020 йилнинг 18 декабрь куни Қарши шаҳрида содир бўлган. Ёнғин бартараф этилган. Ҳодисада ҳеч ким тан жароҳати олмаган.
«Айрим норасмий саҳифа эгаларидан шу каби ҳолатларни вақт ва санасини аниқлаштирмасдан, бугун ёки яқин кунларда содир бўлгандек ўз саҳифаларида асоссиз изоҳламасликларини сўраймиз», — дейилади хабарда.
Аввалроқ Навоийда маст ҳайдовчи бошқарувидаги Lacetti ЙПХ пости олдида аварияга учраб, ёниб кетгани, Тошкентда ЙҲХБ автомобили Lacetti билан тўқнашгани, Сурхондарёда ЙПХ ходими бошқарувидаги сомон ортилган юк машинаси ағдарилиб кетгани тўғрисида хабар берилганди.
Изоҳ (0)