Davlat boshqaruvidagi erkaklar va ayollar ulushi 130 yil ichida tenglashishi mumkin. Bu haqda BMT Xavfsizlik Kengashining norasmiy yig‘ilishida BMT bosh kotibining siyosiy masalalar bo‘yicha o‘rinbosari Rozamariy DiKarlo aytib o‘tdi, deb yozadi “RBK”.
“Hozirgi taraqqiyot darajasida davlat va hukumat rahbarlari darajasidagi gender tengligiga erishish yana 130 yil vaqt oladi”, — dedi DiKarlo.
Uning so‘zlariga ko‘ra, BMT o‘z xodimlari o‘rtasida gender tengligini ta’minlashga intiladi. DiKarloning aytishicha, tashkilotning bosh kotibi Antoniu Guterrish BMT maxsus siyosiy missiyalaridagi rahbarlik lavozimlarining 57 foizdan ko‘prog‘iga ayollarni tayinlagan, shu jumladan, Afg‘oniston va Iroqdagi missiyalar rahbarlari ham ayollardir.
Avvalroq Guterrish 22 mamlakatda ayollar davlat yoki hukumat rahbari ekanini ma’lum qilgan edi. “Shu bilan birga, parlament deputatlari orasida ayollar 25 foizidan kamroqni tashkil qiladi”, — dedi DiKarlo.
Yanvar oyida Romir kompaniyasi va GlobalNR tadqiqot kompaniyalari xalqaro hamjamiyati yetakchi ayollar sonini ko‘paytirish g‘oyasiga salbiy qaraydiganlar boshqa mamlakatlar bilan taqqoslaganda Rossiyada ko‘proq ekanini aniqladi.
Tadqiqot Braziliya, Buyuk Britaniya, Germaniya, Hindiston, Italiya, Rossiya, AQSh, Tailand, Janubiy Koreya va Xitoyda o‘tkazilgan. Unda 7,1 mingdan ortiq kishi ishtirok etgan. Rossiyaliklarning 7 foizdan ko‘prog‘i ayollar yetakchi bo‘lishi kerak, degan fikrga mutlaqo qo‘shilmaydi. Uchta davlatda — AQSh, Germaniya va Koreyada bu ko‘rsatkich 3 foizni, qolganlarida esa 1-2 foizni tashkil etgan.
Izoh (0)