Prezident Shavkat Mirziyoyev 8-mart—Xalqaro xotin-qizlar kuni munosabati bilan o‘tkazilgan tantanali marosimdan so‘ng, zalga tashrif buyurgan ayol-qizlar bilan bilan ko‘rishib, ularni qutlab chiqdi. Bu haqda Prezident matbuot xizmatining navbatdagi “Maxsus rakurs” ko‘rsatuvida so‘z boradi.
Davlat rahbari taqdirlash marosimidan so‘ng, dastlab diplomatik korpus vakillari bilan uchrashgan, keyin esa stollar oralab yig‘ilganlarning har biriga vaqt ajratishga harakat qilgan.
Yig‘ilganlar ham o‘z o‘rnida Prezident bilan ko‘rishishdan xursand ekanliklarini ta’kidlab, tabrik va qutlovlar uchun minnatdorchilik bildirgan.
E’lon qilingan lavhada Prezident bilan ko‘rishish uchun kelgan mehmonlarning biriga xavfsizlik xodimi yaqinlashish uchun ruxsat bermaganini ham ko‘rish mumkin. Biroq Shavkat Mirziyoyev unga qarata ruxsat berishini buyurgan. Prezident qiz bilan alohida so‘rashib, uni bayram bilan tabriklagan. Hayajonga tushgan mehmon ham davlat rahbariga o‘z minnatdorchiligini izhor etgan.
Mavzuga doir:
Izoh (0)