O‘zbekiston Prezidenti Shavkat Mirziyoyev 8-mart—Xalqaro xotin-qizlar kuni munosabati bilan tantanali marosimda o‘tkazilgan taqdirlash marosimidan so‘ng, diplomatik korpus vakillari bilan uchrashdi. Bu haqda Prezident matbuot xizmati tomonidan taqdim etilgan “Maxsus rakurs” ko‘rsatuvining navbatdagi sonida ma’lum qilindi.
E’lon qilingan kadrlardan ko‘rish mumkinki, davlat rahbari taqdirlash marosimidan so‘ng, tayyorlangan stolga emas, balki diplomatik korpus vakillari tomon yurib borgan. “Bu jarayonda esa tarjimon xizmati deyarli kerak bo‘lmadi”, — deyiladi xabarda. Xitoyning O‘zbekistondagi elchisi Syan Yan Prezidentga o‘z minnatdorligini o‘zbek tilida izhor etdi.
“Tabriklaganingiz uchun katta rahmat. Ishlaringizda muvaffaqiyat tilayman”, — deydi Xitoy elchisi.
Prezident Shavkat Mirziyoyev ham elchiga tadbirga kelgani uchun minnatdorchilik bildirgan.
Shundan so‘ng davlat rahbari va Xitoy elchisi O‘zbekiston davlat madhiyasining bir satrini birgalikda aytgan: “Ulug‘ xalq qudrati jo‘sh urgan zamon, olamni mahliyo aylagan diyor!”.
Mavzuga doir: “Kino zo‘r chiqdi”. Shavkat Mirziyoyev aktrisa Yulduz Rajabovani ijodni susaytirmaslikka chaqirdi
Izoh (0)