3-mart kuni Shavkat Mirziyoyev “Zulfiya nomidagi Davlat mukofoti bilan taqdirlash to‘g‘risida”gi qarorni imzolagan edi. Prezident 8-mart–Xalqaro xotin-qizlar kuni munosabati Tashkent City Kongress-hollda ushbu mukofotlarni tantanali ravishda egalariga topshirdi.
Tadbirda davlat rahbari “Zulfiya” mukofotining eng yosh sohibasi, Qoraqalpog‘iston Respublikasi Bo‘zatov tumanidagi 1-umumiy o‘rta ta’lim maktabining 8-sinf o‘quvchisi Gulsanem O‘razbayevaga ham mukofotni topshirgan.
Prezident matbuot xizmati tomonidan tayyorlangan “Maxsus rakurs” ko‘rsatuvining navbatdagi sonidan ko‘rish mumkinki, o‘tgan yilning oktabr oyida Toshkent IT-parkiga tashrifi chog‘ida davlat rahbari Gulsanem O‘razbayeva bilan videokonferensiya orqali suhbat qilib, u bilan albatta ko‘rishishni va’da qilgan.
“Siz bilan, albatta uchrashaman. Men bunga va’da beraman”, degan edi Prezident Gulsenemning so‘zlaridan xursand bo‘lib.
Prezident nafaqat va’dasining ustidan chiqqan, balki yosh sportchi loyiq ko‘rilgan mukofotni shaxsan o‘zi topshirgan.
Avvalroq Prezident Shavkat Mirziyoyev 8-mart—Xalqaro xotin-qizlar kuni munosabati bilan tantanali marosimda aktrisa Yulduz Rajabova ishtirokidagi filmni e’tirof etib, uni ijodni susaytirmaslikka chaqirgani to‘g‘risida xabar berilgandi.
Izoh (0)