O‘zbekiston Islom sivilizatsiyasi markazi direktorining o‘rinbosari Shayx Abdulaziz Mansurning o‘g‘li Abdulbosit Mansurov vafot etdi. Bu haqda O‘zbekiston musulmonlari idorasi matbuot xizmati xabar berdi.
Idora Shayx Abdulaziz Mansurning farzandi vafoti munosabati bilan uning barcha oila a’zolariga ta’ziya bildirgan.
Xabarda uning nima sababdan vafot etganiga aniqlik kiritilmagan.
Eslatib o‘tamiz, 2020-yilning sentabrida Muftiy Usmonxon Alimovning ukasi Badriddinxon Alimov vafot etgandi. O‘sha yilning oktabrida Qur’oni karimni birinchi bo‘lib o‘zbek tiliga tarjima qilgan ulamo Shayx Alouddin Mansur 68 yoshida, noyabrida islomshunos olim Ubaydulla Uvatov 80 yoshida vafot etdi.
Izoh (0)