“Tottenhem” hujumchisi Harri Keyn Premyer Liga doirasida 7-mart kuni kechgan “Kristal Pelas”ga qarshi o‘yinda (4:1) Son Hyon Minning uzatmasidan keyin gol urdi.
Keyn va Son APL 2020/21-yilgi mavsumida 14-marta bir-birining goliga assistentlik qildi.
Shu tariqa Keyn va Son juftligi bir mavsumda birgalikda urilgan gollar soni bo‘yicha Premyer Liga rekordini o‘rnatdi. Avvalgi eng yaxshi natija Alan Shirer va Kris Satton tandemiga tegishli edi. “Blekbern” hujum juftligi birgalikda 1994/95-yilgi mavsumda 13 ta gol urgandi.
27 yoshli Keyn APL joriy mavsumida 25 ta o‘yin o‘tkazib, 16 gol va 13 ta golli uzatma amalga oshirdi. 28 yoshli Son esa 27 o‘yinda 13 gol va 9 assistga muallif bo‘ldi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)