“Liverpul” Premyer Liga doirasida bo‘lib o‘tgan 7-mart kungi o‘yinda “Fulhem”ga yutqazib qo‘ydi (0:1).
Mersisaydliklarning Angliya chempionatida uy o‘yinlaridagi g‘alabasiz seriyasi 8 ta o‘yinga yetdi (6 mag‘lubiyat, 2 durang). Bu klub uchun 1952-yildan keyingi eng yomon natija bo‘ldi.
“Qizillar” 1951-yilning oktabridan 1952-yilning martiga qadar liga doirasidagi ketma-ket o‘nta o‘yinda g‘alaba qozona olmagandi. O‘sha mavsum “Liverpul” chempionatni 11-pog‘onadan yakunlagan.
Shuningdek, “Liverpul” APL tarixida ilk bor ketma-ket olti uy o‘yinida uchrashuv davomida hisobda ortda bordi.
So‘nggi bor jamoa “Enfild”da 16-dekabr kuni “Tottenhem”ni yenggandi (2:1).
Yurgen Klopp shogirdlari 28 o‘yindan keyin 43 ochko bilan 8-o‘rinda bormoqda.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)