Futbol bo‘yicha Angliya Premyer Ligasining 27-turida “Tottenhem” 7-mart, yakshanba kuni “Kristal Pelas”ni qabul qildi.
Bahsning 25-daqiqasida Garet Beyl “shporlar”ni oldinga olib chiqqan bo‘lsa, taym so‘ngida Kristian Benteke hisobni tenglashtirdi.
Ikkinchi bo‘lim debyutida Beyl dublni rasmiylashtirdi. Keyinchalik Harri Keyn ikkita gol urgan holda hisobni yirik ko‘rinishga olib keldi. Ta’kidlash joiz, Keyn ikkita gol urishdan tashqari Beylning dubliga assistentlik qildi.
“Tottenhem” ushbu g‘alabadan keyin ochkolarini 45 taga yetkazib oldi va 6-o‘ringa ko‘tarildi.
APL
27-tur bahsi
7-mart, yakshanba
“Tottenhem” — “Kristal Pelas” 4:1
Gollar: 1:0 – 25 Beyl, 1:1 – 45 Benteke, 2:1 – 49 Beyl, 3:1 – 52 Keyn, 4:1 – 76 Keyn.“Tottenhem”: Lyoris, Doerti, Alderveyreld, Regilon, Sanches, Uinks (Sissoko, 70), Hyoybyerg, Son Hyon Min, Lukas Moura, Beyl (Lamela, 70), Keyn (Vinisius, 80).
“Kristal Pelas”: Guaita, Keyxill, Uord, van Anholt, Ridevald, Milivoyevich, Kuyate, Eze (Zaha, 46), Taunsend (Shlupp, 65), Benteke (Mateta, 74), Ayyu.
Ogohlantirishlar: Ayyu (29), Keyxill (35), Ridevald (48), Doerti (90), Vinisius (90).
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)