Gretsiyalik chaqaloq muxlis, parvozlar va Avstraliya kapalaklari. Fevral oyining sportga oid eng sara suratlari
Fevral boshqa oylarga nisbatan kamroq davom etsa-da, bu uning uning unumdorligiga zarracha ham ta’sir o‘tkazmaydi. Joriy 2021-yilda shunday holat ro‘y berdi deb bemalol aytish mumkin, mazkur oy boshqa sohalar bilan bir qatorda sport olami ham uchun voqealarga boy bo‘ldi. Buni quyidagi fotogalereya (fevral oyidagi sportga oid rasmlar) ham tasdiqlab turibdi.
2-fevral. Germaniyaning 4-divizionida harakat qiladigan “Rot-Vayss Essyen” futbol klubi mamlakat Kubogi doirasidagi o‘yinda “Bayer”ni mag‘lubiyatga uchratib, keyingi bosqichga yo‘l oldi. Foto: Getty Images
3-fevral. Meksikaning Masatlan shahridagi kichik beysbol stadionining yuqoridan ko‘rinishi. Foto: Getty Images
5-fevral. Parallel mogul (chang‘i sportidagi erkin uslub). Old planda 2018-yilgi Olimpiada chempioni Mikael Kingsberi. Foto: Reuters
7-fevral. La Liganing 22-turidan o‘rin olgan “Betis” — “Barselona” o‘yinida Lionel Messi jarima zarbasini amalga oshirmoqda. Foto: Getty Images
7-fevral. Bu yerda ham barcha e’tibor bir shaxsga qaratilgan. “Vest Bromvich” ustozi Sem Ellardays jamoasini quyi ligaga tushib ketishdan saqlab qolish uchun faol harakat qilmoqda. Foto: Getty Images
7-fevral. Senegalda ot poygalari bo‘yicha musobaqa bo‘lib o‘tdi. Foto: Reuters
9-fevral. Melburnda tennis bo‘yicha Australian Open musobaqasi start oldi. Musobaqada ishtirok etayotgan ukrainalik Elina Svitolina to‘pni maydonga tushirishga hozirlik ko‘rmoqda. Foto: Reuters
9-fevral. Rossiya biatlon terma jamoasi a’zosi Yevgeniy Garanichev mashg‘ulot jarayonida. Foto: “RIA Novosti”
11-fevral. Australian Open musobaqasida tomoshabinlaridan biri uni haqorat qilayotganidan hayratlanayotgan Rafael Nadal. Foto: Reuters
12-fevral. Turnirga yoqimli mehmonlar ham tashrif buyurdi. Tilla tusli kapalak musobaqaning bo‘lajak chempioni Naomi Osaka bilan do‘stlashib qoldi. Foto: Reuters
13-fevral. Kaliningrad ko‘rfazining sanoat landshafti fonida parvoz qilayotgan snoukaytingchi. Foto: “RIA Novosti”
14-fevral. Marraga yetib kelgan biatlonchilar. Foto: Getty Images
15-fevral. Vulverhempton ippodromida ot va chavandoz marra tomon oshiqmoqda. Foto: Reuters
15-fevral. Bundesliganing 24-turi doirasida o‘tkazilgan “Bavariya” — “Arminiya” o‘rtasidagi gollarga boy o‘yin (3:3) kuchli qor bo‘roni ostida o‘tdi. Foto: Getty Images
18-fevral. Australian Open musobaqasida Novak Jokovichnig atrofida boshqa bir (oq rangdagi) kapalak aylanmoqda. Foto: Getty Images
19-fevral. Gretsiyalik tennischi Stefanos Sitsipasning jajji muxlisi uni tribunadan turib qo‘llab-quvvatlamoqda. Foto: Reuters
20-fevral. A Seriyaning 23-turidan o‘rin olgan bellashuvda “Jenoa” futbolchilari “Verona” darvozasiga urilgan golni nishonlamoqda. Orqa planda o‘zbekistonlik futbolchi Eldor Shomurodovni ham ko‘rish mumkin. Foto: Getty Images
21-fevral. Braziliyaning “Flamengo” klubi muxlislari jamoani “Internasional” bilan hal qiluvchi o‘yinga kuzatmoqda. Uchrashuvda “Flamengo” 2:1 hisobida zafar quchadi. Foto: Getty Images
23-fevral. Bir qarashda tomoshabinlar ustidan amalga oshirilayotgan odatiy parvozga o‘xshaydi, ammo 2020/21-yil effektini payqash ham qiyin emas. Foto: Reuters
23-fevral. “Chelsi” hujumchisi Olivye Jiru Chempionlar Ligasida fevral oyidagi eng yaxshi chiroyli golni urdi. Foto: Getty Images
27-fevral. Angliyaning “Lids” klubi futbolchisi Rafinya “Aston Villa”dan qabul qilingan mag‘lubiyatdan aziyat chekmoqda. Foto: Getty Images
28-fevral. Amerikalik yosh chang‘ichi Gus Shumaxer Jahon Kubogining jamoaviy sprintida yarim final bosqichida mag‘lubiyatga uchraganidan so‘ng tushkun kayfiyatda ekanligini yashirib o‘tirmadi. Foto: Reuters
Izoh (0)