Футбол бўйича Англия Премьер Лигасининг 27-турида «Тоттенҳэм» 7 март, якшанба куни «Кристал Пэлас»ни қабул қилди.
Баҳснинг 25-дақиқасида Гарет Бэйл «шпорлар»ни олдинга олиб чиққан бўлса, тайм сўнгида Кристиан Бентеке ҳисобни тенглаштирди.
Иккинчи бўлим дебютида Бэйл дублни расмийлаштирди. Кейинчалик Ҳарри Кейн иккита гол урган ҳолда ҳисобни йирик кўринишга олиб келди. Таъкидлаш жоиз, Кейн иккита гол уришдан ташқари Бэйлнинг дублига ассистентлик қилди.
«Тоттенҳэм» ушбу ғалабадан кейин очколарини 45 тага етказиб олди ва 6-ўринга кўтарилди.
АПЛ
27-тур баҳси
7 март, якшанба
«Тоттенҳэм» — «Кристал Пэлас» 4:1
Голлар: 1:0 – 25 Бэйл, 1:1 – 45 Бентеке, 2:1 – 49 Бэйл, 3:1 – 52 Кейн, 4:1 – 76 Кейн.«Тоттенҳэм»: Льорис, Доэрти, Алдервейрелд, Регилон, Санчес, Уинкс (Сиссоко, 70), Ҳёйбьерг, Сон Ҳён Мин, Лукас Моура, Бэйл (Ламела, 70), Кейн (Винисиус, 80).
«Кристал Пэлас»: Гуаита, Кэйхилл, Уорд, ван Анҳолт, Ридевалд, Миливоевич, Куяте, Эзе (Заҳа, 46), Таунсенд (Шлупп, 65), Бентеке (Матета, 74), Айю.
Огоҳлантиришлар: Айю (29), Кэйхилл (35), Ридевалд (48), Доэрти (90), Винисиус (90).
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)