BCG konsalting kompaniyasi va The Network onlayn platformalarining xalqaro ittifoqi tomonidan o‘tkazilgan tadqiqot natijalariga ko‘ra, Kanada 2020-yil oxirida AQShni ortda qoldirib, mehnat muhojirlarini eng ko‘p jalb qiluvchi davlatga aylandi. Ular bunday natijaning koronavirus pandemiyasi bilan bog‘liqligini aytdi. Bu haqda “Kommersant” xabar berdi.
“Kanada AQShni ortda qoldirib, mehnat muhojirlarini eng ko‘p jalb qiluvchi davlatga aylandi. Yangi tadqiqot natijalariga ko‘ra, pandemiya odamlarning chet elda ishlashga bo‘lgan munosabatiga sezilarli ta’sir ko‘rsatdi. Umuman olganda, ularning ishlashga borish uchun bo‘lgan qiziqishlari pasayib ketdi va ular koronavirusga qarshi boshqa davlatlardan ko‘ra yaxshiroq himoyalangan joylarga borishni ma’qul ko‘ra boshladi”, — deyiladi “Jismoniy va virtual iste’dodlarning jahon bozori tahlili” tadqiqotida.
Ko‘chib o‘tish uchun eng ko‘p jalb qiluvchi 10 ta mamlakat:
- Kanada;
- AQSh;
- Avstraliya;
- Germaniya;
- Buyuk Britaniya;
- Yaponiya;
- Shveysariya;
- Singapur;
- Fransiya;
- Yangi Zelandiya.
So‘rovnomada qatnashganlarning (190 mamlakatdan 209 ming kishi) taxminan 50 foizi ishlash uchun chet elga ketishga tayyorligini aytgan. Ma’lumot uchun, bu ko‘rsatkich 2014-yilda 64 foiz, 2018-yilda 57 foiz edi.
Jons Hopkins universiteti ma’lumotlariga ko‘ra, dunyo bo‘yicha 115,2 million kishida koronavirus aniqlandi. 2,5 million kishi virus qurboniga aylanib, 65,1 million kishi virusdan sog‘aydi. Virus bilan eng ko‘p zararlanish holati AQSh (28,7 million), Hindiston (11,1 million), Braziliya (10,7 million) davlatlarida ro‘yxatga olingan. Rossiya to‘rtinchi o‘rinni egallab turibdi (4,2 million).
Izoh (0)