BCG консалтинг компанияси ва The Network онлайн платформаларининг халқаро иттифоқи томонидан ўтказилган тадқиқот натижаларига кўра, Канада 2020 йил охирида АҚШни ортда қолдириб, меҳнат муҳожирларини энг кўп жалб қилувчи давлатга айланди. Улар бундай натижанинг коронавирус пандемияси билан боғлиқлигини айтди. Бу ҳақда «Коммерсантъ» хабар берди.
«Канада АҚШни ортда қолдириб, меҳнат муҳожирларини энг кўп жалб қилувчи давлатга айланди. Янги тадқиқот натижаларига кўра, пандемия одамларнинг чет элда ишлашга бўлган муносабатига сезиларли таъсир кўрсатди. Умуман олганда, уларнинг ишлашга бориш учун бўлган қизиқишлари пасайиб кетди ва улар коронавирусга қарши бошқа давлатлардан кўра яхшироқ ҳимояланган жойларга боришни маъқул кўра бошлади», — дейилади «Жисмоний ва виртуал истеъдодларнинг жаҳон бозори таҳлили» тадқиқотида.
Кўчиб ўтиш учун энг кўп жалб қилувчи 10 та мамлакат:
- Канада;
- АҚШ;
- Австралия;
- Германия;
- Буюк Британия;
- Япония;
- Швейцария;
- Сингапур;
- Франция;
- Янги Зеландия.
Сўровномада қатнашганларнинг (190 мамлакатдан 209 минг киши) тахминан 50 фоизи ишлаш учун чет элга кетишга тайёрлигини айтган. Маълумот учун, бу кўрсаткич 2014 йилда 64 фоиз, 2018 йилда 57 фоиз эди.
Жонс Ҳопкинс университети маълумотларига кўра, дунё бўйича 115,2 миллион кишида коронавирус аниқланди. 2,5 миллион киши вирус қурбонига айланиб, 65,1 миллион киши вирусдан соғайди. Вирус билан энг кўп зарарланиш ҳолати АҚШ (28,7 миллион), Ҳиндистон (11,1 миллион), Бразилия (10,7 миллион) давлатларида рўйхатга олинган. Россия тўртинчи ўринни эгаллаб турибди (4,2 миллион).
Изоҳ (0)